• अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४४ शरद ऋतु नलनामक संवत्सर नेपाल सं. ११४३ वि.सं. २०७९ कार्तिक २९ गते मंगलबार तद्अनुसार सन् २०२२ नोभेम्बर १५ तारिख मार्गशीर्ष कृष्ण पक्षको सप्तमी तिथि तिष्य नक्षत्र शक्ल योग भद्रा करण आनन्दादिमा प्रवर्द्ध योग चन्द्रमा कर्कट राशिमा भ्रमणशील रहला । काठमाडौंमा सूर्योदय बिहान ६:२६ मा र सूर्यास्त साँझ १७:१० बजे हुनेछ ।

आजको राशिफल

मेष – व्यस्तता वृद्धि हुने र रसरागमा आकर्षण बढ्ने दिन छ । काममा सफलता प्राप्त हुनेछ । उत्साहजनक समाचारले मन प्रसन्न रहला । सन्तानका माध्यमबाट कुनै काम बन्ने सम्भावना छ । गरिएका कामको राम्रै मूल्यांकन हुनेछ । विभिन्न भौतिक साधनहरू जुट्ने र विभिन्न अवसर प्राप्त हुनाले मन उत्साहित हुनेछ । रोग र शत्रुमाथि विजय प्राप्त हुनेछ ।

वृष – आजको दिन पराक्रम र कार्यगति बढ्नेछ । बौद्धिक र रचनात्मक काममा सफलता मिल्नेछ ।सन्तानसुख मिल्नेछ । काममा चुनौती देखिए पनि सफलता हात पर्ला । आर्जित धन केही खर्च हुने योग छ तर आफ्नै प्रयासले लाभ पनि मिल्न सक्छ । विभिन्न अवसरले पछ्याउनेछन् । व्यापारमा फाइदा हुनेछ। काममा अभिप्रेरित गर्नेहरू प्रशस्तै भेटिनेछन् । रमाइलो जमघटका बीच विशेष उपहार र स्वादिष्ट खानपानको आनन्द पाइएला । रसरागमा आकर्षित हुनु हुनेछ ।

मिथुन – कार्यक्षमता वृद्धि हुने योग भए पनि आजको दिन स्वास्थ्यमा विशेष ध्यान पुर्‍याउनु हितकर हुनेछ । पुरानो समस्याले केही झमेला आइलाग्न सक्छ। दाम्पत्यमा शंका र असमझदारी बढ्ने समय हुनाले सचेत रहनुहोला । परिस्थितिअनुसार चल्न नसक्ता दु:ख पाइनेछ । काम बिग्रने डरले सताइरहनेछ । प्रेममा आकर्षण बढ्नेछ । प्रयासरत काम बन्नेछ ।

कर्कट – आजको दिन शुभता र सुख बढ्नेछ । प्रतिस्पर्धीहरूलाई पछि पार्ने समय छ । इर्ष्या गर्नेहरूको मनोबल कमजोर हुनेछ । प्रयत्न गर्दा अप्ठ्यारा काम पनि सम्पादन हुन सक्छन्। रमाइलो जमघटका बीच स्वादिष्ट भोजनको आनन्द पाइएला । पहिलेको सफलताले थप हौसला जगाउनेछ । शत्रुमाथि विजय प्राप्त हुनेछ । रसरागमा आकर्षण बढ्ने र यात्रामा सफलता प्राप्त हुनेछ ।

सिंह – ऋण, रोग र शत्रुमाथि विजय प्राप्त हुनेछ । आरोग्य बढ्नेछ । नयाँ कामको प्रस्ताव आउनेछ भने सहयोगीहरू प्रशस्तै भेटिनेछन् । धन आर्जन हुनेछ। बिछोडिएका परिवारजनसँग भेटघाट हुनेछ । मन मिल्ने साथी भेटिनुका साथै प्रेमको बन्धन कसिन सक्छ।

कन्या – आज आयबल बढ्नेछ । ऋण, रोग र शत्रुमाथि विजय प्राप्त हुनेछ । परिवारजनसँग आत्मीयता बढ्नेछ । मनको डर उत्साहमा रूपान्तरित हुने योग छ। टाढाको यात्रा गर्ने मौका जुर्न सक्छ । मन मिल्ने साथी भेटिए पनि मनको भाव व्यक्त गर्न उपयुक्त साइत पर्खनुहोला । पछिका लागि फाइदा हुने काम प्रारम्भ गर्न सकिनेछ । प्रयासरत काममा सफलता प्राप्त हुनेछ । आर्थिक कार्यमा सफलता मिल्नेछ ।

तुला – काममा सफलता मिल्नेछ । मान–महत्व वृद्धि हुनेछ । शत्रुसित लड्ने सामर्थ्य बढ्नेछ । विभिन्न अवसर प्राप्त हुनुका साथै दैनिकीमा परिवर्तन आउन सक्छ । हिम्मतले काम बनाउन सकिनेछ । केही खर्च लाग्ने तर पनि सोचेको काम बन्ने योग छ । व्यवसायमा थप लगानी बढाउन सकिनेछ । मित्रहरूको सहयोग जुट्नाले काममा हौसला मिल्नेछ । बोली र व्यक्तित्वको प्रभाव बलियो बन्नेछ ।

वृश्चिक – कर्ममा सफल साबित हुने योग छ । फाइदाका लागि योजनाहरू गोप्य राख्न आवश्यक देखिन्छ । रोग र शत्रुमाथि विजय प्राप्त हुनेछ । तथापि, दौडधुपमा समय बित्नेछ । आर्थिक कारोबारमा सजगता अपनाउनुहोला । दिगो फाइदा हुने काममा लगानी बढाउन सकिनेछ । पतिपत्नीबीच घरसल्लाह नमिल्न सक्छ। अनुकूल स्थानान्तरण र टाढाको यात्रा सम्भावना छ। यश वृद्धि हुनेछ ।

धनु – दीर्घकालसम्म फाइदा हुने काममा हात हाल्ने समय छ। तार्किक क्षमताले सम्मान दिलाउनेछ । लाभ हुने काम प्रारम्भ गर्नु उपयुक्त हुनेछ । साझेदारीमा पनि फाइदा हुनेछ । आयआर्जनका स्रोत बढ्नेछन । हिम्मत गर्दा विभिन्न अवसर प्राप्त हुनेछन् । मित्रताको गाँठो कसिनेछ । धनको आगमन भैरहनेछ । रोकिएको काम बन्नुको साथै लगानी उठाउन चाहेमा सफल रहनुहुनेछ ।

मकर – शुभता वृद्धि हुनेछ । आशा उत्साह बढ्ला । रसराग प्रेममा सफलता मिल्नेछ । विशेष उपलब्धि हात पार्न सकिनेछ। व्यवसायमूलक काममा पनि राम्रै फाइदा हुनेछ । व्यापार ब्यवसायमा फाइदा हुनेछ । आम्दानी बढ्नाले परिवारजनका आवश्यकता पूरा हुनेछन् । आफन्तको साथ मिल्नेछ ।

कुम्भ – नयाँ सम्भावना देखा पर्नेछ । बोली र व्यक्तित्वको प्रभाव बढ्ला । पहिलेका कर्मको प्रतिफल पाइनेछ साथै कामको चापबाट पनि फुर्सद पाइनेछ । आजको दिन प्रतिस्पर्धीहरूबाट सजग रहनुपर्ने दिन छ । फाइदाका पछि लाग्दा साथीभाइसँग असमझदारी बढ्न सक्छ । खर्च बढ्नुका साथै आर्थिक अभाव समेत देखापर्ने सम्भावना छ । अध्ययनमा पछि परिने योग भएकाले सावधान रहनुहोला । मीठो भोजन प्राप्त हुनेछ ।

मीन – प्रेमभाव बढ्नेछ र आरोग्य वृद्धि हुने दिन छ । बोलीको भरमा काम सम्पादन हुने योग छ । विचारको आकर्षणले प्रशंसकहरू बढ्नेछन्। सुन्दर पहिरनमा रमाउँदै व्यक्तित्व निखार्ने अवसर प्राप्त हुनेछ। अधिकारका लागि केही संघर्ष हुन सक्छ। रसरागमा आकर्षण बढ्नेछ । मनोकूलको काम बनेर मन प्रशन्न रहला ।