✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४५ नेपाल सं. ११४३ पिङ्गलनाम संवत्सर शरद ऋतु वि.सं. २०८० कार्तिक ३ गते तद्अनुसार सन् २०२३ अक्टोबर २० तारिख शुक्रबार आश्विन शुक्ल पक्षको षष्ठी तिथि मूल नक्षत्र अतिगण्ड योग कौलव करण आनन्दादिमा स्थिर योग चन्द्रमा धनु राशिमा भ्रमणशील रहनेछ । काठमाडौंमा सूर्योदय बिहान ६ः०७ मा भयो र सूर्यास्त सांझ१ ७ः२९ बजे हुनेछ । विल्वनिमन्त्रण, सरस्वतीको आवाहन ।

आजको राशिफल

मेष – बौद्धिक क्षेत्रमा राम्रो उपलब्धि प्राप्त हुने समय छ । आर्थिक क्रियाकलापमा पनि सफलता मिल्नेछ भने बोलीको भरमा काम सम्पादन हुन सक्छ । अरूलाई सोचविचार नगरी दिएको वचनले अप्ठ्यारोमा पार्न सक्छ। सचेत रहनुहोला । नयाँ काममा हात हाल्न केही समय पर्खनु हितकर होला । रोकिएको काममा सफलता मिल्नेछ । मित्रजनको साथ–सहयोग रहनेछ ।

वृष – व्यक्तित्व निखार्दै नयाँ काम गर्ने अवसर प्राप्त हुनेछ । व्यापारमा मनग्य फाइदा हुनेछ भने आँटेका काम तत्काल सम्पादन हुनेछन् । पछिसम्म लाभ हुने काममा लगानी गर्ने अवसर प्राप्त हुने योग छ । विभिन्न सहयोग र उपहार पाइनेछ । मिठो भोजन प्राप्त हुनेछ । आरोग्यता बढ्नेछ । पारिवारिक समस्याको समाधान मिल्नेछ । रसरागको भाव वृद्धि होला । आफन्तको साथ मिल्नेछ ।

मिथुन – रोकिएका काम बन्ने र नयाँ काम सुरु गर्ने समय छ । पहिलेका कमजोरी सुधार्दै फाइदा उठाउन सकिनेछ । बिछोडिएका परिवारजनसँग भेटघाट होला । अनावश्यक भ्रमण हुन सक्छ, यसप्रति सचेत रहनु हितकर हुनेछ । स्वास्थ्यगत समस्याले सताउने देखिन्छ । सहयोगीहरूले काममा उत्साह जगाउनेछन् । परिवारिक सुख बढ्नेछ । ऋण रोग र शत्रु सित लड्ने क्षमता बढ्नेछ । शत्रुपक्ष परास्त होलान् ।

कर्कट – सहयोगको आशा देखाउनेहरूले धोका दिन सक्छन, सचेत रहनुहोस् । ठूलो प्रयत्न गर्दा पनि उपलब्धि उठाउन मुस्किल पर्नेछ । परिवारजनबाट टाढिनुपर्ला । आफ्नै कमजोरीले विवादमा परिने समय छ । व्यावसायिक काममा खर्च बढ्ला । आरोग्यता रहनेछ । प्रतिस्पर्धीलाई पनि पछि पार्न सकिनेछ । रसरागमा आकर्षण बढ्नेछ । पारिवारिक दृष्टिले समय सुखद रहला ।

सिंह – विद्यामा कमजोरी र लेनदेनमा विवाद होला । विगतका समस्या बल्झिन सक्छन् । सानातिना काम र घरेलु समस्या देखापर्ला । तथापि, रोकिएका कतिपय काम बन्नाले उत्साह जाग्नेछ । रमाइलो जमघटका बीच स्वादिष्ट भोजनको आनन्द पनि पाइएला । प्रेमभाव बढ्नेछ । साथीभाइको सहयोग प्राप्त गर्नुहुनेछ । रचनात्मक तथा कलात्मक काममा सफलता मिल्नेछ ।

कन्या – लाभ हुने काम प्रारम्भ गर्ने समय छ । भौतिक साधनसमेत जुट्नेछ । कामको सन्दर्भमा विशिष्ट व्यक्तित्वहरूसँग मित्रता बढ्नेछ । कला, साहित्य, मनोरञ्जन आदि क्षेत्रमा रुचि बढ्नेछ । स्वास्थ्य कमजोर भएको अनुभूति हुन सक्छ, खानपानमा विशेष सावधानी अपनाउनु हितकर होला । व्यस्तता बढ्नेछ । यात्रामा सफलता प्राप्त हुनेछ । आफन्तजनको साथ मिल्नेछ ।

तुला – मनमा डर लागे पनि विभिन्न अवसरले पछ्याउनेछन् । कृषिसम्बन्धी काममा केही समस्या देखिनेछ, तर पनि मेहनत गर्दा धन आर्जन हुने समय छ । रमाइलो यात्रा गर्ने अवसर जुट्ला । सुुखदुःखमा साथ दिनेहरू प्रशस्तै भेटिनेछन् । पराक्रम बढ्नेछ । शुभ काममा आकर्षण बढ्नेछ ।

वृश्चिक – अरूका काममा समय बित्न सक्ने सम्भावना भएपनि आजको दिन दिगो योजना प्रारम्भ हुन सक्छ । साझेदारीमा फाइदा हुनेछ । आम्दानी तथा आयआर्जनका स्रोत समेत वृद्धि हुने समय छ । आफन्त तथा नजिकका साथीभाइ टाढिन सक्छन्, सावधान रहनुहोला । आरोग्यता रहनेछ । प्रेमभाव बढ्नेछ । यात्राको सम्भावना छ, योजना र बजेट बनाइ कार्य गर्नु बेस होला ।

धनु – अवसरको खोजीमा केही दौडधुप गर्नुपर्ला । समयमा होस नपुग्नाले काम रोकिन सक्छ । मिहेनत खेर जान नदिन विशेष प्रयत्न गर्नुपर्नेछ । सवारीसाधनको प्रयोगमा विशेष सावधानी अपनाउनु हितकर हुनेछ । तार्किक क्षमता बढ्नेछ । आरोग्यता रहनेछ । बौद्धिक र रचनात्मक काम बन्नेछ । रसरागात्मक काममा आकर्षण रहला ।

मकर – नयाँ कामको प्रस्ताव आउनेछ भने सहयोगीहरू भेटिनेछन् । धन आर्जन हुने समय छ । व्यवसायमा लाग्नेहरूलाई विशेष फाइदा होला । रुचिका विषयमा लगानी बढाउन सकिनेछ । इर्ष्या गर्नेहरूले काममा अवरोध गर्न सक्छन्, सावधान रहनुहोला । मिठो भोजन प्राप्त हुनेछ । दायित्व पूरा गर्नुहुनेछ ।

कुम्भ – रोकिएका काम बन्ने र नयाँ काम सुरु गर्ने समय छ । उद्योग र व्यापारमा विशेष फाइदा होला । परिवारजनको साथले काममा उत्साह जगाउनेछ । प्रेम र मित्रताको बन्धन कसिनेछ भने दाम्पत्य जीवन सुखमय बन्नेछ । परोपकारमा मन जानेछ । स्वास्थ्यमा भने केही कमजोरी अनुभव हुन सक्छ । बौद्धिक र रचनात्मक कार्य पनि बन्नेछ ।

मीन – सामान्य अस्वस्थताले काममा ढिलासुस्ती हुन सक्छ, तर प्रयत्न गर्दा विभिन्न अवसर प्राप्त हुनुका साथै दैनिकीमा परिवर्तन आउनेछ । सानातिना काममा महत्वपूर्ण समय बित्न सक्ने योग छ । अप्रिय समाचार सुन्न सक्नुहुनेछ, सचेत रहनु हितकर होला । समस्याको समाधान मिल्नेछ ।