✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४५ नेपाल सं. ११४३ पिङ्गलनाम संवत्सर शरद ऋतु वि.सं. २०८० कार्तिक २६ गते तद्अनुसार सन् २०२३ नोभेम्बर १२ तारिख आइतबार कार्तिक कृष्णपक्षको चतुर्दशी तिथि १४ः१४ पर अमावश्या तिथि स्वाती नक्षत्र आयुष्मान योग चतुष्पाद करण आनन्दादिमा लुम्ब योग चन्द्रमा तुला राशिमा भ्रमणशील रहनेछ । काठमाडौंमा सूर्योदय बिहान ६ः२३ मा भयो र सूर्यास्त साँझ १७ः११ बजे हुनेछ । कुकुरतिहार, नरकचतुर्दशी, लक्ष्मीपूजा, दीपमालिका, सुखरात्रि, निशिबार्ने, बिहान झिसमिसेमा तेल लगाएर नुहाउने, स्थिर लक्ष्मीको लागि साँझ ५ः१९ देखि ७ः१५ बजे वृष लग्नमा पूजा गर्नु अत्यन्तै शुभ ।

आजको राशिफल

मेष – सामान्य प्रयासबाटै काममा सफलता मिल्नेछ भने वैदेशिक क्षेत्रका अधुरा काम बन्ने समय छ । मित्रजनले काममा सहयोग जुटाउनेछन् । रमाइलो तरिकाले कामहरु गर्न पाइनेछ । पशुधन र जमिनबाट पनि सामान्य लाभ मिल्ने योग छ । दाम्पत्य सुख र आनन्द बढ्नेछ । खेलकूद र भ्रमणमा अनुकूलता रहनेछ । मित्रजनको सहयोग प्राप्त हुनेछ । आमोदप्रमोदमा रमिरहनुहुनेछ ।

वृष – अप्ठ्यारा परिस्थितिसँग सम्झौता गर्नपर्ने समय छ । कुनै विशेष निर्णय गलत ठाउँमा पर्न सक्छ, सचेत रहनु हितकर होला । कडा प्रायस गरे पनि सफलता हात नलाग्ने र वादविवादमा पर्न सकिने योग छ, सावधान रहनुहोला । कामको बोझले थाकेको महसूस होला । घर-गृहस्थीमा पनि सामान्य समस्या आउन सक्छ । यात्रापरक काम बन्नेछ । आफन्तको साथ मिल्नेछ ।

मिथुन – नयाँ कामको सुरुवात खासै राम्रो नभएपनि शिक्षा क्षेत्रमा सफलता हासिल गर्न सकिने समय छ । ब्यापारबाट राम्रै लाभ मिल्नेछ, तर कार्यमा हैरानी बढ्न सक्छ । मन दुविधाग्रस्त रहला । सामाजिक काममा नाम रहने छ । बौद्धिकता र रचनात्मकता बढ्नेछ । बुद्धिको प्रयोगले समस्याको समाधान प्राप्त हुनेछ । शत्रुपक्ष परास्त हुने योग छ ।

कर्कट – व्यस्तता बढ्नेछ । सामाजिक काममा नेतृत्वदायी भुमिकामा खटिनु पर्नेछ र, यसले मान प्रतिष्ठा पनि दिलाउला । काम बन्नाले मन रमाउने छ । भौतिक सुख-सुविधाको साधन प्राप्ति हुनेछ । गुरुजनको सहयोग र बुद्धिको उपयोगले लक्ष्य पहिल्याउन सकिनेछ । मिठो भोजन प्राप्त हुने दिन छ । आरोग्यता रहला । पारिवारिक सुख मिल्नेछ ।

सिंह – बोलीमा सजगता नअपनाए झूटा आरोप लाग्न सक्ने समय छ, सचेत रहनुहोला । यात्रामा रमाइलो हुनेछ । सोच्दै नसोचेको स्थानबाट लाभ हुने योग छ । उद्योग र व्यापारमा विशेष फाइदा होला । परिवारबाट टाढा बस्नुपर्ने समय छ । सार्वजनिक कार्यक्रममा आकर्षण रहला । बौद्धिक रचनात्मक र कलात्मक काममा सफलता मिल्नेछ ।

कन्या – आजको दिन पीडा दिनेहरू सक्रिय रहन सक्छन्, सावधान रहनुहोला । खर्च गर्दा पनि विशेष सावधानी अपनाउनुपर्नेछ । स्वास्थ्यसम्बन्धी सामान्य समस्या देखापर्न सक्छ । पढाइलेखाइमा पनि ध्यान दिन नसकिएला । खानपानमा सजग रहनुहोला । यात्रामा सफलता प्राप्त गर्नुहुनेछ । सन्तान पक्षबाट सुख प्राप्त हुनेछ । समस्याको समाधान मिल्नेछ ।

तुला – बुद्धिविवेकले राम्रो काम गर्ने र चुनौतीहरू सजिलै पार लाग्ने समय छ । अनायासै ठिक निर्णय हुनेछ । आर्थिक पक्ष सबल रहला । काममा सहयोगीहरूले राम्रो साथ दिनेछन् । पाहुना आगमनको योग छ । विलासी काममा आकर्षण बढ्नेछ ।

वृश्चिक – प्रतिस्पर्धीहरू पराजित हुनेछन् भने आँटेको कार्यमा सफलता मिल्नुका साथै आर्थिक फाइदा हुने समय छ । व्यापार–व्यवसायमा पनि राम्रै फाइदाको सम्भावना छ । महत्वाकांक्षी योजना गोप्य राखेर अघि बढ्नु हितकर होला । साझेदारीको काममा सफलता प्राप्त हुनेछ । सुखसुविधाको वस्तुमा खर्च होला ।

धनु – सामाजिक एवं राजनैतिक क्षेत्रमा गरेको योगदानले मानसम्मान मिल्ने समय छ । मित्रवर्गबाट साथ–सहयोग पाइनेछ । घरायसी कार्यमा सामान्य समस्या रहन सक्छ । कमाइ भने रामै्र होला । अप्ठ्यारा परिस्थितिसँग सम्झौता गर्नुपर्ने अवस्था आउन सक्छ, होसियारीपूर्वक कार्य गर्नुहोला । प्रेमभाव र सुख बढ्नेछ । दाम्पत्य सुख रहला ।

मकर – कर्मबल बढ्नेछ । खर्चको मात्रा बढेपनि नयाँ काम सुरु गर्ने समय छ । नियमित काममा ढिलासुस्ती आउनुका साथै आर्थिक हानीको सम्भावना छ, सचेत रहनुहोला । स्वास्थ्यमा पनि सामान्य समस्या पर्न सक्छ । अरूको भर पर्दा काममा धोका हुने योग छ । मिठो भोजन प्राप्त होला । समस्यामा नियमकानूनले साथ दिनेछ ।

कुम्भ – काममा सोचे जति फाइदा नभएपनि मन खुशी नै रहला । स्वास्थ्यमा देखिने समस्याले नियमित काम एवं पढाइलेखाइ प्रभावित हुने सम्भावना छ । मातृधनको उपयोगबाट लाभ उठाउन सकिनेछ । बन्न लागेको काम बिग्रन सक्ने योग रहेकोले सावधानीका साथ काम गर्नु हितकर हुनेछ । पराक्रम बढ्नेछ र आर्थिक विकाससित सम्बन्धित कार्यमा सफलता मिल्नेछ ।

मीन – ब्यवसायबाट लाभ हुने समय छ । नयाँ काम सुरु गर्नु हितकर होला । व्यापारमा राम्रै धनलाभ हुनेछ । सामान्य खर्च र जोखिम पनि बढ्नेछ । लेखन प्रकाशनसित सम्बन्धित काममा सफलता मिल्नेछ । साझेदारीको काम बन्नेछ । कुनैपनि समस्याको समाधान मिल्नेछ भने मिठो भोजन प्राप्त हुने दिन छ ।