भारतको उत्तराखण्डस्थित उत्तरकाशीमा निर्माणाधीन सिल्कारा सुरुङमा फसेका ४१ जना मजदुरको उद्धारका लागि विभिन्न निकायको काम अन्तिम चरणमा पुगेको छ । यसलाई ध्यानमा राखेर एम्बुलेन्स तयार राखिएको छ भने घटनास्थलमै चिकित्सकहरु बोलाइएको छ ।

विगत केही दिनदेखि सिल्कियारा सुरुङमा फसेका ४१ जना मजदुरलाई एक एक गरी बाहिर निकाल्ने जिम्मेवारी राष्ट्रिय विपद् प्रतिकार्य बल (एनडीआरएफ) को १५ सदस्यीय टोलीलाई दिइएको छ ।

मजदुरलाई बाहिर निकाल्न भग्नावशेष छेडेर ८०० एमएम व्यासको स्टिल पाइप हालेर बाटो तयार गरिँदै छ, जसको निर्माण अन्तिम चरणमा पुगेको छ । कामदारलाई आज जुनसुकै बेला निकाल्न सकिने बताइएको छ ।

उत्तराखण्डका मुख्यमन्त्री पुष्कर सिंह धामी आफै उत्तरकाशीमा छन्, एनडीआरएफका सेकेन्ड इन कमाण्ड रविशंकर बधानीले भने कि एनडीआरएफका सिपाहीहरूले कामदारहरू फसेको पाइपमार्फत भग्नावशेषको अर्को छेउमा कसरी पुग्ने भन्ने अभ्यास गरेका छन् ।

कामदारलाई बाहिर निकालेपछि ४१ एम्बुलेन्समा चिल्यानसौर सामुदायिक स्वास्थ्य केन्द्र लगिने तयारी छ । सो स्थानमा ४१ शैयाको अस्पताल तयार गरिएको छ । अस्पतालमा कामदार लैजान ग्रीन कोरिडोर पनि बनाइएको छ । यदि आवश्यक भएमा कामदारहरूलाई ऋषिकेश एम्समा एयरलिफ्ट गर्न सकिने व्यवस्था मिलाइएको भारतीय सञ्चारमाध्यमहरुले जनाएका छन् ।

ज्ञातव्य छ, सिल्क्यरा सुरुङ दुर्घटना गत नोभेम्बर १२ मा बिहान ४ बजेदेखि थुनिएका छन् । सुरुङको प्रवेश बिन्दुको २०० मिटरभित्र ६० मिटरसम्म माटो थुप्रिएको थियो । ४१ जना मजदुर सुरुङभित्र फसेका छन् । सुरुङमा फसेका कामदारहरू बिहार, झारखण्ड, उत्तर प्रदेश, पश्चिम बंगाल, ओडिशा, उत्तराखण्ड र हिमाचल प्रदेशका छन् । यो सुरुङ चारधाम सडक आयोजनाअन्तर्गत निर्माण हुन लागेको हो ।