सत्तारुढ दल नेपाली कांग्रेस संसदीय दलको बैठक भोलि शुक्रबार बस्ने भएको छ । कांग्रेस संसदीय दलका प्रमुख सचेतक रमेश लेखकले भोलि अपराह्न २ बजे सङ्घीय संसद् भवनमा बैठक बोलाइएको जानकारी दिएका छन् ।

बैठकमा आगामी सोमबारदेखि हुने हिँउदे अधिवेशनमा कसरी प्रस्तुत हुने भन्ने बारेमा छलफल हुने प्रमुख सचेतक लेखकको भनाइ छ ।

संसदमा जतिसक्दो धेरै विधेयक प्रस्तुत गर्ने र त्यसलाई अगाडि बढाउनका लागि पार्टीका तर्फबाट सांसदले निर्वाह गर्नुपर्ने भूमिकाका बारेमा पनि छलफल गरिने उनले जनाएका छन् ।