✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४४ कालयुक्तनाम संवत्सर ग्रीष्म ऋतु वि.सं. २०८१ ज्येष्ठ १ तद्अनुसार सन् २०२४ मे १४ मंगलबार वैशाख शुक्ल षष्ठी तिथि ५ः२० पर सप्तमी तिथि तिष्य नक्षत्र गण्ड योग गर करण आनन्दादिमा प्रवर्द्ध योग चन्द्रमा कर्कट राशिमा भ्रमणशील रहनेछ । काठमाडौंमा सूर्योदय बिहान ५ः१७ मा भयो र सूर्यास्त साँझ १८ः४४ मा हुनेछ । ज्येष्ठ सङ्क्रान्ति, गंगा सप्तमी ।

आजको राशिफल

मेष – अनुकूलता वृद्धि हुनेछ । आज उत्साहजनक समाचारले मन प्रसन्न हुनेछ भने सन्तानका माध्यमबाट विशेष काम बन्ने सम्भावना छ । गरिएका कामको राम्रै मूल्यांकन होला । विभिन्न भौतिक साधन जुट्नेछन् र प्रसन्नता मिल्नेछ । विभिन्न अवसर प्राप्त हुनाले मन उत्साहित हुने योग छ । तथापि आफन्तको विश्वास गर्दा समस्या उत्पन्न हुन सक्छ, सचेत रहनुहोला ।

वृष – आजको दिन मिश्रित फलदायी रहला । सहयोगीहरूले विपक्षीलाई साथ दिनाले काममा चुनौती देखिएलान् । आर्जित धन केही खर्च हुन सक्छ । तर विभिन्न अवसरले पछ्याउने योग छ । आफ्नै प्रयासले लाभ मिल्न सक्छ र, व्यापारमा पनि राम्रै फाइदाको सम्भावना छ । काममा अभिप्रेरित गर्नेहरू मित्रजनहरू भेटिनेछन् । रमाइलो जमघटका बीच स्वादिष्ट खानपानको आनन्द पाइएला । आरोग्यता रहनेछ । पारिवारिक समस्याको समाधान मिल्नेछ ।

मिथुन – पुरानो समस्याले केही झमेला आइलाग्नसक्ने समय छ । दाम्पत्य सम्बन्धमा पनि शंका र असमझदारी बढ्न सक्छ । परिस्थितिअनुसार चल्न नसक्दा दुःख पाइएला । काम बिग्रने डरले सताउनेछ । बेसुरमा कसैलाई वचन दिनाले दुःख पाइएला । कृषिबाट सोचेको लाभ नउठ्न सक्छ । आजको दिन स्वास्थ्यमा पनि विशेष ध्यान दिनु उचित हुनेछ । विशिष्ट व्यक्तित्वहरूसँग मित्रता गाँसिने समय छ । शत्रुमाथि विजय प्राप्त होला ।

कर्कट – प्रतिस्पर्धीहरूलाई पछि पार्ने समय छ । प्रयत्न गर्दा अप्ठ्यारा काम पनि सम्पादन हुन सक्छन् । इर्ष्या गर्नेहरूको मनोबल कमजोर हुनेछ । रमाइलो जमघटका बीच स्वादिष्ट भोजनको आनन्द पाइएला । पहिलेको सफलताले थप हौसला जगाउनेछ । मेहनतले जीवनशैलीमा परिवर्तन ल्याउन सक्छ । तर, आलोचकहरू बढ्ने योग छ, संयमताका साथ व्यवहार गर्नु हितकर हुनेछ । रसरागमा आकर्षण बढ्नेछ ।

सिंह – नयाँ कामको प्रस्ताव आउने समय छ । मित्र एवम् सहयोगीहरू भेटिनेछन् । धन आर्जन हुने योग छ । बिछोडिएका परिवारजनसँग भेटघाट होला । प्रेमको बन्धन कसिन सक्छ । अध्ययनमा राम्रो प्रगति हुनेछ । मत्वपूर्ण योजानमा हात हाल्दै हुनुहुन्छ भने हिम्मतले काम लिनुहोला, सफलता मिल्नेछ । आरोग्यता बढ्नेछ । रसरागको कार्यक्रममा आकर्षण रहला ।

कन्या – विभिन्न सहयोग र उपहार प्राप्त हुनेछन् । आयआर्जन पनि राम्रै हुनेछ । परिवारजनसँग आत्मीयता बढ्नेछ भने वैदेशिक कामकाजमा फाइदा होला । मनको डर उत्साहमा रूपान्तरित हुने योग छ । मन आजको दिन मिल्ने साथी भेटिए पनि मनको भाव व्यक्त गर्न उपयुक्त साइत पर्खनु हितकर हुनेछ । पछिका लागि फाइदा हुने काम प्रारम्भ गर्न सकिने समय छ ।

तुला – सामर्थ्य र कर्मबल वृद्धि होला । केही खर्च लाग्ने तर पनि सोचेको काम बन्ने समय छ । व्यवसायमा थप लगानी बढाउन सकिएला । मित्रहरूको सहयोग जुट्नाले काममा हौसला मिल्नेछ भने प्रतिष्ठित काम गरेर धेरैको मन लोभ्याउन सकिनेछ । मेहनत गर्दा विभिन्न अवसर प्राप्त हुनुका साथै दैनिकीमा परिवर्तन आउन सक्छ । समग्रमा दिन शुभकारी छ ।

वृश्चिक – दिगो फाइदा हुने काममा लगानी बढाउन सकिने समय भएपनि विचार नपु¥याउँदा अनावश्यक दौडधुपमा समय बित्न सक्छ । अप्ठ्यारा कामको बोझ थपिन सक्ने सम्भावना भएकोले मानसिकरूपले तयार हुनु उचित हुनेछ । फाइदाका लागि योजनाहरू गोप्य राख्न आवश्यक देखिन्छ । आर्थिक कारोबारमा पनि विशेष सजगता अपनाउनुहोला । पतिपत्नीबीच घरसल्लाह नमिल्न सक्ने योग छ ।

धनु – दीर्घकालसम्म फाइदा हुने काममा हात हाल्ने समय छ । तार्किक क्षमताले सम्मान दिलाउला । साझेदारीमा फाइदा हुनेछ भने आयआर्जनका स्रोत बढ्नेछन् । प्रेम र मित्रताको गाँठो कसिनेछ । हिम्मत गर्दा विभिन्न अवसर प्राप्त हुनेछन् । प्रतिद्वन्द्वीहरूलाई परास्त गर्न सकिनेछ । आजको दिन दौडधुप वृद्धि भएपनि गीतसंगीत र रसरागात्मक काममा आकर्षण रहला ।

मकर – बोलीको प्रभावले फाइदा उठाउन सकिने समय छ । मेहनतले धेरै काम बनाउन सकिएला । काम देखाएर विशेष उपलब्धि हात पार्न सकिनेछ भने व्यवसायमूलक काममा पनि राम्रै फाइदा हुनेछ । आम्दानी बढ्नाले परिवारजनका आवश्यकता पूरा हुनेछन् । दाम्पत्यसुख बढ्नेछ । रसरागमा आकर्षण रहनेछ । सन्तानसुख बढ्नेछ ।

कुम्भ – पहिलेका कर्मको प्रतिफल पाइनेछ, साथै कामको चापबाट पनि फुर्सद पाइने दिन छ । फाइदाका पछि लाग्दा साथीभाइसँग असमझदारी बढ्न सक्छ, सचेत रहनुहोला । खर्च बढ्नुका साथै आर्थिक अभाव समेत देखापर्न सक्छ, ध्यान राख्नुहोला । प्रतिस्पर्धीहरूबाट सजग रहनुहोला । अध्ययनमा पछि परिने योग भएकाले धैर्यको दरबार छ । आरोग्यता रहनेछ ।

मीन – प्रेमभाव वृद्धि हुनेछ । रोग र शत्रुसित लड्ने सामर्थ्य बढ्ला । बोलीको भरमा काम सम्पादन हुने योग छ । विचारको आकर्षणले प्रशंसकहरू बढ्नेछन् । सुन्दर पहिरनमा रमाउँदै व्यक्तित्व निखार्ने अवसर प्राप्त हुनेछ । अधिकारका लागि केही संघर्ष हुन सक्छ । प्रतिस्पर्धीहरूले अप्ठ्यारोमा पार्ने प्रयास गरे पनि अरूको हातमा गइसकेको अवसर जोगाउन सकिनेछ । आफन्तको साथ मिल्नेछ । समस्याको समाधान होला ।