सहकारीको अर्बाैं रुकम हिनामिना गरेर फरार रहेका जिबी राईको राहदानी रोक्का गर्न कास्की प्रहरीले गत आइतबार राहदानी विभाग, त्रिपुरेश्वरमा पत्र पठाएको छ ।
उपप्रधान तथा गृहमन्त्री रवि लामिछानेका व्यापारिक साझेदार राई हाल मलेसियामा रहेको प्रहरी महानिरीक्षक बसन्तबहादुर कुँवरले यसअघि नै बताएका थिए ।
मलेसियासित नेपालको सपुदर्गी सन्धी नभएकोले उनलाई नेपाल ल्याउन कानुनी बाधा रहेको बताइन्छ । राई सूर्यदर्शन बचत तथा ऋण सहकारी संस्थाका अध्यक्ष तथा ‘ग्यालेक्सी फोर-के’का सञ्चालक समेत हुन् ।
प्रहरीले इन्टरपोलमार्फत् राईविरुद्ध डिफ्युजन नोटिस जारी गरिसकेको छ । तर, उनी पक्राउ पर्न सकिरहेका छैनन् । प्रहरीले राहदानी ऐन, २०७६ को दफा १२ र दफा १५ अनुसार राहदानी रोक्का वा रद्द गर्न पत्राचार गरेको प्रहरी स्रोतको भनाइ छ ।
प्रतिक्रिया