हेटौँडा-ढल्केबर-इनरुवा ४०० केभी प्रसारण आयोजना : हेटौँडा ‘सबस्टेशन’को आज उद्घाटन हुँदै

हेटौँडा-ढल्केबर-इनरुवा ४०० केभी प्रसारण आयोजना : हेटौँडा ‘सबस्टेशन’को आज उद्घाटन हुँदै


मुलुकको विद्युत् प्रसारण प्रणालीलाई सुदृढ एवं विश्वसनीय बनाउन तथा नेपाल र भारतबीच अबिच्छिन्न रूपमा बिजुली व्यापार गर्ने उद्देश्यले निर्माणाधीन हेटौँडा-ढल्केबर-इनरुवा ४०० किलोभोल्ट प्रसारण लाइनको ढल्केबर–इनरुवा खण्ड सम्पन्न भएको छ ।

हेटौँडा-ढल्केबर-इनरुवा ४०० केभी प्रसारण लाइन आयोजनाअन्तर्गत धनुषाको ढल्केबरबाट सुनसरीको भोक्राहा नरसिंह गाउँपालिका-४ स्थित इनरुवा सबस्टेनसम्मको एक सय ५४ किलोमिटर ४०० किलोभोल्ट ‘डबल सर्किट’ प्रसारण लाइन निर्माण सम्पन्न भएको हो । अब यो प्रसारण लाइनबाट चार हजार मेगावाट विद्युत् प्रवाह गर्न सकिनेछ ।

मकवानपुरको हेटौँडा उपमहानगरपालिका-११ थानाभऱ्याङस्थित हेटौँडा सबस्टेसनको आज हेटौँडामा आयोजना हुने विशेष कार्यक्रममा प्रधानमन्त्री प्रचण्डले उद्घाटन गर्ने कार्यक्रम रहेको छ ।