प्रवास ट्राभल एण्ड टुर्सलाई ६ महिनामा ८ अवार्ड

प्रवास ट्राभल एण्ड टुर्सलाई ६ महिनामा ८ अवार्ड


एक दशकदेखि अन्तरराष्ट्रिय एअरलाइन्स् टिकेटिङ सेवा प्रदान गर्दै आएको प्रवास ट्राभल एण्ड टुर्सले विभिन्न एअरलाइन्सबाट बितेको ६ महिना अवधिमा ८ वटा अवार्ड जित्न सफल भएको छ ।

टर्किस एयरलाइन्स, एयर चाइना, श्रीलंकन एयरलाइन्स, चाइना साउदर्न, थाई एरवेज, क्याथे प्यासिफिक, मलेसियन एयरलाइन्स र सिंगापुर एअरलाइन्सबाट विभिन्न विधामा प्रवास ट्राभलले आठ अवार्ड जित्न सफल भएको हो ।

स्थापना कालदेखि निरन्तर विभिन्न विधामा अवार्डहरु प्राप्त गर्न सफल यस कम्पनीले २०२३ र २०२४ मा विभिन्न अन्तर्राष्ट्रिय एअरलाइन्सको एअर टिकट बिक्री गर्दाको सङ्ख्या, मूल्य र सेवाका आधारमा विभिन्न वायुसेवा कम्पनीले प्रदान गर्ने अवार्ड जित्ने क्रममा यो उपलब्धि हासिल गर्न सफल भएको हो ।

हालै आफ्नो स्थापनाको दशौं वार्षिकोत्सव मनाएको प्रवास ट्राभल एण्ड टुर्सले आफ्नो अनलाइन ट्राभल पोर्टल फ्लाईट्स नेपाल डट कमको सेवामा थप अभिवृद्धि गरेको छ भने प्रवास होलिडेज्को स्थापना तथा संचालन समेत शुरु गरेको छ । थप विशेषता र अतिरिक्त सुविधासहित संचनालमा ल्याइएको ट्राभल पोर्टल फ्लाईट्स नेपालडटकमबाट विश्वभरको जुनसुकै कुनमा बसेर सजिलै अन्तर्राष्ट्रिय तथा डोमेस्टिक एअर टिकट खरिद गर्न सकिनेछ भने आवश्यक परेको खण्डमा २४ घण्टा ग्राहक सेवा उपलब्ध रहेको प्रवास ट्राभल एण्ड टुर्सका प्रबन्ध निर्देशक प्रकास लोहनीले जनाएका छन् ।

सस्तो एयर फेयर, अधिक क्यास ब्याक, विभिन्न अफर तथा छुटहरू, सेवामा बलियो प्रतिबद्धता लगायतका कारणहरूले नेपाली ट्राभल ट्रेडमा आज प्रवास ट्राभल विश्वाससनिय नाउँ बन्न सफल भएको लोहनीको दाबी छ ।

ज्ञात रहोस्, विभिन्न एअरलाइन्सहरुसँगको सहकार्यमा स्टुडेण्ट फेयर, बढी ब्यागेज जस्ता आकर्षक अफरहरू प्रवास ट्राभलले ल्याउने गरेको छ ।