✍ अनन्तश्री राजगुरु जगतगुरु वीरेन्द्र परम्हंश ज्योतिषाचार्य

आजको पञ्चाङ्ग

श्रीशाके १९४६ नेपाल सं. ११४५ कालयुक्तनाम संवत्सर हेमन्त ऋतु वि.सं. २०८१ पौष १७ गते तदनुसार पौष शुक्ल पक्षको द्वितीया तिथि तद्अनुसार सन् २०२५ जनवरी १ तारीख बुधबार उत्तराषाढ़ा नक्षत्र व्याघात योग बालव करण आनन्दादिमा बज्र योग चन्द्रमा धनु राशिमा ७:१६ बजेसम्म त्यसपछि मकर राशिमा भ्रमणशील रहनेछ । काठमाडौंमा सूर्योदय बिहान ६:५६ मा भयो र सूर्यास्त साँझ १७:१८मा हुनेछ । सन् २०२५ प्रारम्भ ।

आजको राशिफल

मेष – दिन मिश्रित फलदायी रहला । सहकर्मीहरूसँग प्रतिस्पर्धा बढ्नेछ, तर व्यवसाय र कृषितर्फ लगनशीलताले ठूलो काम बन्नसक्ने समय छ । बिनाकारण आफन्तजनबाट टाढिनुपर्ने सम्भावना छ । मातापिताका बारेमा चिन्ता बढ्ने देखिन्छ । विशवासपात्रले धोका दिनेछन् भने वैदेशिक रोजगारीमा केही समस्या आउन सक्छ । राजनीतिमा हुने व्यक्तिका लागि राम्रै समय छ । नयाँ सफलता प्राप्त हुनेछ । यात्रागत कार्यमा सफलता मिल्नेछ । मित्रजनको सहयोग प्राप्त हुनेछ ।

वृष – काममा विलम्ब र चुनौतीको सामना गर्नुपर्ने समय छ । एक्लोपनाको अनुभूति हुनसक्छ । राहुको प्रभावले विवाद, धनहानी, लाञ्छना जस्ता समस्या आउन सक्छन् । पारिवारिक असमझदारी, बन्धुबान्धवसँग मनमुटाव र छटपटी बढ्ने देखिन्छ । सामाजिक प्रतिष्ठामा कमी आउने योग छ । मानहानी वा अपयश समेतको सम्भावना रहेकोले विशेष सजग रही व्यवहार गर्नुहोला । आर्थिक अभावले सताउन सक्छ । प्रतिकुलताका बाबजुद धर्मकर्ममा आकर्षण बढ्नेछ । मिठो भोजन प्राप्त हुनेछ । बौद्धिक काममा सफलता मिल्नेछ ।

मिथुन – शिक्षा र साझेदारीमा फाइदा हुने समय छ । परोपकार र मङ्गलमय काम सम्पादन गरिएला, जसबाट मानसम्मान हासिल हुने देखिन्छ । तर, विद्यार्थीहरूमा पढाइलेखाइको स्तर खस्कने छ । पारिवारिक समस्याहरू देखापर्ने सम्भावना छ । साझेदारीमा विवाद र असमझदारी बढ्ने योग रहेकोले ब्यवहारमा सुझबुझपन आवश्यक छ । मित्रता, प्रेम र दाम्पत्य सम्बन्धका लागि समय अनुकूल देखिन्छ । कीर्तिमानी काम सम्पादन गर्न सकिनेछ, अरुको भर नपर्नु हितकर होला ।

कर्कट – विद्यार्थीहरूका लागि अनुकूल समय छ । बौद्धिक कार्यमा सफलता मिल्नुका साथै पढाइलेखाइमा प्रगति हुनेछ । रोकिएका कामहरू बन्नेछन् भने अतिरिक्त आम्दानी बढ्ने देखिन्छ । घरै बसेर विभिन्न काम सम्पादन गर्न सकिनेछ । साझेदारीको काम बन्नेछ भने परिवारिक सुख वृद्धि हुनेछ । प्रेमभाव बढ्नेछ, मिठो भोजन प्राप्त हुनेछ । साथीभाइको सहयोग प्राप्त हुनेछ । रोकिएको काम बन्नेछ । शत्रुमाथि विजय प्राप्त होला । रसरागमा आकर्षण बढ्नेछ ।

सिंह – नयाँ उद्योग-धन्दाको थालनी गर्न सकिने समय छ । समाजसेवा र परोपकारका कार्य गरिनेछ । आयआर्जनको कमीले ठूलो प्रगतिमा बाधा पुग्ने सम्भावना छ, ध्यान राख्नुहोला । नोकरीमा अनुकूल स्थानान्तरणको योग छ । स्वास्थ्यसम्बन्धी समस्याले सताउन सक्छ, सावधानी अपनाउनुहोला । कलात्मक काममा सफलता मिल्नेछ ।

कन्या – चुनौतीयुक्त समय छ । स्वास्थ्यमा बाधा, काममा झमेला र आफन्तबीच असमझदारी बढ्ने देखिन्छ । झुटा आरोप आइलाग्न सक्छ, सावधान रहनुहोला । सहयोगी वा अनुयायीले समेत प्रतिस्पर्धा गर्न थाल्नेछन् । बाहिरी यात्रा र प्रवासमा हुनेहरूलाई भने दिन निकै अनुकूल देखिन्छ । प्रेमभाव वृद्धि हुनेछ । कार्यगति बढ्नेछ ।

तुला – व्यस्तता वृद्धि भएपनि साना व्यक्तिको सहयोगले ठूलो फाइदा उठाउन सकिने समय छ । बौद्धिक प्रभाव बढ्नुका साथै विभिन्न अवसर पाइएला । जीवनसाथी र सन्तानका तर्फबाट भौतिक सम्पत्ति लाभ हुने योग छ । घर-जग्गा जोड्ने मौका जुर्नसक्छ । आरोग्यबल बढ्नेछ । पराक्रमी कार्यमा आकर्षण रहनेछ । सुख सुविधाको वस्तु खरिदमा खर्च बढ्ने देखिन्छ । योजना र बजेट बनाइ कार्य गर्नु बेस होला ।

वृश्चिक – रोकिएका काम बन्न थाल्नेछन् । परोपकार र सामाजिक काममा रुचि जाग्नेछ । पठनपाठनमा पनि प्रगति हुनेछ । सोचने शक्ति बढ्ने छ । कुरा काट्नेहरु प्रशंसा गर्न थाल्ने छन् । नयाँ नोकरी प्राप्ति वा पदोन्नतिको योग छ । व्यापार-व्यवसाय विस्तार हुने देखिन्छ । तथापि, विश्वासमा पारेर धोका दिनेहरूले सताउन सक्छन्, सजग रहनुहोला । मिठो भोजन प्राप्त हुनेछ । सुख वृद्धि होला । आरोग्यबल बढ्नेछ ।

धनु – सामाजिक प्रतिष्ठा बढ्नेछ र मानसम्मान पाइने देखिन्छ । स्थायी सम्पत्ति आर्जन गर्ने समय छ । जीवनसाथीबाट पाइने साथ र सहयोगीजनको मद्दतले काम सहजै सफल हुनेछन् । विद्यार्थीहरूका लागि विशेष उपलब्धिमूलक समय छ । सहयोगीको राम्रो साथ पाइनेछ । साझेदारीमा फाइदा होला । मान-महत्व प्राप्त हुनेछ । बौद्धिक र रचनात्मक काम बन्नेछ । गीतसंगीत र रसरागात्मक काममा आकर्षण रहला ।

मकर – आजको दिन नयाँ नोकरी, पदोन्नति वा अनुकूल स्थानान्तरणको सम्भावना छ । स्थायी सम्पत्ति जोड्ने सम्भावना छ । तथापि, बुद्धि-विवेकको उपयोग गर्न नसकिएला । बोलीको गलत अर्थ लाग्ने, विवादमा परिने र आर्थिक संकटले सताउने योग रहेकोले विशेष सजगता अपनाइ व्यवहार गर्नु उचित हुनेछ । शक्तिमा अंकुश लाग्ला । आरोग्यबल बढ्नेछ । यात्रागत कार्यमा सफलता प्राप्त हुनेछ ।

कुम्भ – उद्योगधन्दा र रोजगारीका लागि विभिन्न अवसर आउने समय छ । कृषि र पशुपालनमा सामान्य र उद्योग तथा व्यापारमा राम्रै लाभ मिल्ने देखिन्छ । आम्दानीका विभिन्न माध्यम फेला पर्नेछन् । आयआर्जनका स्रोत बढ्ने देखिन्छ । धार्मिक तथा सामाजिक काममा रुचि बढ्ला । मानसम्मान पनि पाइने योग छ । बौद्धिक र रचनात्मक कार्य पनि बन्नेछ । कुनै पनि प्रकारको शारीरिक र आर्थिक विकाससित सम्बन्धित कार्यमा सफलता मिल्नेछ ।

मीन – बिनाकारण अनेक चुनौतीको सामना गर्नुपर्ला । तर, आयआर्जनका स्रोत प्रशस्तै भेटिनेछन् । व्यवसायमा सोचेभन्दा बढी सफलता मिल्नेछ । स्थापित व्यवसाय, कृषिकर्म र उद्योगधन्दालाई निरन्तरता दिन सकिनेछ । पढाइलेखाइमा राम्रो नतिजा हासिल गर्न सकिनेछ । विभिन्न अवसरले पछ्याउने योग छ । कर्मबल बढ्नाले भाग्यबल पनि वृद्धि होला । सुख-विलास बढ्नेछ ।