सहकारीको रकम अपचलनसम्बन्धी मामलामा जोडिएका कारण पार्टीको मूल नेतृत्वबाटै किनाराकृत बन्न पुगेका रवि लामिछाने पुनः राष्ट्रिय स्वतन्त्र पार्टी (रास्वपा)को सभापतिको जिम्मेवारीमा फर्किएका छन् । सो पार्टीको आज (१८ चैत) बसेको केन्द्रीय समितिको बैठकले लामिछानेलाई सभापतिको जिम्मेवारी दिने निर्णय गरेको हो ।

केन्द्रिय समितिको पहिलो बैठकमा कार्यवाहक सभापति अर्यालले धन्यवाद ज्ञापन गरे । त्यसपछि लामिछानेको सभापतित्वमा आजै दोस्रो बैठक बसेको कार्यवाहक महामन्त्री कविन्द्र बुर्लाकोटीले जानकारी दिएका छन् ।

उक्त बैठकमा पार्टी र सदनको गतिविधिबारे सदस्यबाट संक्षिप्त रिपोर्टिङ गरिने बताइएको छ । सोही बैठकमा ‘लिडरसिप एकेडेमी’को ‘फ्लो चार्ट’, जनयात्रा कार्यक्रम, अधिवेशन÷महाधिवेशन कार्यतालिका, पार्टीको राजनीतिक प्रतिवेदनमा आधारित देशव्यापी जागरण र बहस गर्ने विषयमा छलफल हुने जनाइएको छ ।

सहकारी ठगीलगायत चार कसुरमा आफूविरुद्ध अदालतमा मुद्दा दायर भएपछि लामिछाने सभापति पदबाट अलग भएका थिए । त्यसयता उपसभापति डोलप्रसाद अर्यालले कार्यवाहक सभापतिको जिम्मेवारी सम्हाल्दै आएका थिए ।

_{^{photo: rss}}