नेपाली कांग्रेसको यही असोज २६ गते हुन लागेको केन्द्रीय समितिको बैठकको तयारीका लागि आज (२३ असोज) कांग्रेस पदाधिकारीको बैठक बस्दैछ । सभापति शेरबहादुर देउवाको उपस्थितिसहित दिउँसो १ बजे ललितपुरस्थित एक होटलमा बैठक बस्न लागेको हो ।

गत भदौ २३ र २४ गते भएको जेनजी आन्दोलनपछि सभापति देउवाको भौतिक उपस्थितिमा बस्न लागेको यो पहिलो बैठक हुनेछ।

जेनजी आन्दोलनको दोस्रो दिन भदौ २४ गते देउवा र उनकी पत्नी आरजु राणामाथि बुढानीलकण्ठस्थित निवासमै कुटपिट भएयता उनी सार्वजनिक भएका छैनन् । तर, भर्चुअल माध्यमबाट पार्टीका अन्य नेताहरुसँग देउवाले छलफल तथा परामर्श गर्दै आएका कांग्रेस स्रोतले जनाएको छ ।