नेकपा (माओवादी केन्द्र)का नेता एवम् पूर्वसभामुख कृष्णबहादुर महरालाई नेपाल प्रहरीको केन्द्रीय अनुसन्धान ब्युरो (सिआईबी)ले पक्राउ गरेको छ । ३ वर्षअघि विद्युतीय चुरोट (भेप)मा लुकाइ चिनियाँ संगठित गिरोहसँग मिलेर सुन तस्करी गराएको मामलामा आरोप लागेका महरामाथि अख्तियार दुरुपयोग अनुसन्धान आयोगले अनुसन्धान गरिरहेको छ ।

महरासँग सुन तस्करी प्रकरणमा अख्तियारले गत बिहीबार टंगालस्थित कार्यालयमा बोलाएर बयान लिएको थियो भने गत वर्षको ९ चैतमा उनलाई जिल्ला सरकारी वकिलको कार्यालयले स्वास्थ्य अवस्थालाई मध्यनजर गरेर अनुसन्धानका लागि बोलाएका बेला उपस्थित हुने गरी छोराको जिम्मा लगाएको थियो । भेपमा लुकाएर सुन तस्करी गराएको आरोपमा महरा २०७९ मै अनुसन्धानमा तानिएका थिए ।