प्रधानमन्त्री सुशीला कार्कीले आगामी फागुन २१ गते निर्धारित निर्वाचनका सम्बन्धमा छलफल गर्न विघटित प्रतिनिधिसभामा प्रतिनिधित्व गरेका सात राजनीतिक दललाई आमन्त्रण गरेकी छन् ।

प्रेस संयोजक राम रावलका अनुसार यही कात्तिक ४ गते मंगलबार साँझ ४ः०० बजे प्रधानमन्त्री निवास बालुवाटारमा निर्वाचनका सम्बन्धमा छलफल गर्न प्रधानमन्त्री कार्कीले दलहरुलाई पत्र पठाएकी हुन् ।

छलफलका लागि तत्कालीन संसदमा मान्यताप्राप्त सात राजनीतिक दलबाट दुई जना उच्चस्तरीय प्रतिनिधि पठाउन आग्रह गरिएको छ । प्रधानमन्त्रीबाट छलफलका लागि नेपाली कांग्रेस, नेपाल कम्युनिष्ट पार्टी (एमाले), नेकपा (माओवादी केन्द्र), राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनमत पार्टी र नागरिक उन्मुक्ति पार्टीका प्रतिनिधिहरूलाई बोलाइएको हो ।