प्रतिनिधिसभा सदस्य निर्वाचनमा काठमाडौं क्षेत्र नं ३ बाट रास्वपाका उम्मेदवार राजुनाथ पाण्डेले १८ हजार ७५७ मत प्राप्त गरेर विजयी बनेका छन् । उनका प्रतिस्पर्धी उज्यालो नेपाल पार्टीका कुलमान घिसिङले ११ हजार १७१ मत प्राप्त गरेका छन् भने नेपाली कांग्रेसका रमेश अर्यालले ६ हजार मत प्राप्त गरेको निर्वाचन अधिकृत चमिला भट्टराईले जानकारी दिएकी छन् ।

त्यसैगरी नेपाल कम्युनिष्ट पार्टी (एमाले)का रामेश्वर फुयाललाई तीन हजार ८१६ मत प्राप्त भएको छ ।

काठमाडौं महानगरका पूर्वप्रहरी प्रमुख पाण्डेले स्नात्तकोत्तर गरेका छन् । उनको ३० वर्षभन्दा बढी सार्वजनिक सेवा, सुरक्षा र प्रशासनिक व्यवस्थापनमा अनुभव रहेको छ ।