‘हिप्स डन्ट लाइ’ एल्बमबाट विश्वभरि ख्याति कमाएकी सकिरा आफ्नो नकारात्मक सोचबाट छुटकारा पाउनका लागि विगत एक दशकदेखि थेरापी गर्दै आएको रहस्य हालै खुलेको छ । कोलम्बियाकी चर्चित पपस्टार सकिराले सन् २००१ देखि नै आत्मविश्वास बढाउनका लागि थेरापी गर्दै आएको बताएकी छिन् । प्राप्त जानकारी अनुसार आफ्नो ‘फिगर’ अर्थात् शारीरिक बनावटप्रति ज्यादै चिन्तित रहने भएकीले त्यसबाट छुटकारा पाउन उनले थेरापी गर्ने गरेकी थिइन् । फिगरप्रतिको चिन्ताले सकिराको आत्मविश्वासमा कमी आएका कारण उनले नियमित थेरापी गरेको बुझिएको छ । आत्मविश्वास बढाउने थेरापी गरेपछि सकिराले यसले आफ्नो जीवनलाई सन्तुलित बनाइराख्न निकै मद्दत पुगेको बताएकी छिन् । सकिराले थेरापीको प्रभावभकारिताबारे आफ्नो सम्बन्ध र शारीरिक बनावटलाई सन्तुलन राख्न निकै मद्दत गरेको स्पष्ट पारेकी छिन् ।

आफ्नै गर्भ थाहा छैन बियोन्सलाई
प्रायः विभिन्न कारणले चर्चामा आइरहने गायिका बियोन्स नोल्स यसपटक गर्भवती भएको समाचारले चर्चामा आएकी छिन् । गत साता नोल्स गर्भवती भएको समाचार एक वेबसाइडमा राखिएपछि यो खबर संसारभरि फैलिएको थियो । नोल्स गर्भवती भएको खबर उनकै प्रवक्ता एलन निरबले सार्वजनिक गरेका थिए । पछि नोल्सले आफू गर्भवती नभएको र भ्रम फैलाउनका लागि मात्र यस्तो खबर छापिएको कुरा बताएकी थिइन् । खबरमा नोल्स पहिलोपटक आमा बन्न लागेको कुरा छापिएको थियो । त्यसपछि गायिका नोल्सका प्रतिनिधिहरूले यो खबर झुटो भएको बताउ“दै सत्यता विश्वास गर्न आग्रह गरेका थिए । नोल्स गर्भवती छिन् या छैनन्, त्यो भविष्यले बताउने भए पनि उनकी प्रवक्ता निराब यतिबेला चुपचाप लागेर बस्नुलाई रहस्यमय मानिएको छ । हेरौं सा“चो र झुटो के हो – त्यो थाहा पाउन केही समय प्रतीक्षा गर्नु नै बेस होला । -नवीन उपे्रती