प्रधानमन्त्री प्रचण्डबाट हुने छिमेकी मित्रराष्ट्र भारत भ्रमणको तिथि नजिकिँदै जान थालेपछि उहाँमाथि पार्टीभित्रैबाट विभिन्न प्रकारका दबाब दिने क्रम सुरु भएको छ । पार्टीका जिम्मेवार नेता तथा माओवादी पार्टीका हिषैषी दाबी गर्नेहरूले प्रचण्डलाई भेटी भारतसँग कुनै प्रकारको सन्धि–सम्झौता नगर्न दबाब दिन थालेका छन् । भारत भ्रमणमा रहँदा प्रधानमन्त्री नरेन्द्र मोदी र राष्ट्रपति प्रणव मुखर्जीलगायत अन्य महŒवपूर्ण भारतीय नेता तथा उच्चाधिकारीहरूसँग प्रधानमन्त्री प्रचण्डको भेटवार्ता गर्ने कार्यक्रम रहेको जानकारीमा आएको छ ।
उच्च महŒवका भेटवार्ता गर्नेबाहेक प्रचण्डलाई भारत सरकारद्वारा सञ्चालित कतिपय विकास आयोजनाहरूको अवलोकन गराउने कार्यक्रम पनि रहेको बुझिएको छ । प्रधानमन्त्री प्रचण्ड स्वयम्ले हिमाञ्चल प्रवेश या उत्तराखण्डमा बनेको कुनै ठूलो जलविद्युत् आयोजना हेर्ने इच्छा प्रकट गर्नुभएकोले उहाँलाई हेलिकोप्टरमार्फत जलविद्युत् आयोजनास्थलको भ्रमण गराउने कार्यक्रम बनेको बताइएको छ । भ्रमणका क्रममा भारतले प्रचण्डसमक्ष प्रस्तुत गर्ने एजेण्डाबारे अहिलेसम्म स्पष्ट जानकारी हुन सकेको छैन । प्रचण्डले भने भारतसमक्ष प्रस्तुत गर्ने एजेण्डाहरू तय गरिसकेको बताइन्छ । प्राप्त जानकारीअनुसार प्रधानमन्त्री प्रचण्डबाट हुलाकीमार्ग निर्माण दोस्रो चरणको निम्ति सम्झौताको प्रस्ताव हुनेछ । त्यस्तै पञ्चेश्वर परियोजना कार्यान्वयनलाई गति दिन विशेष सहमति पनि बनाइने भएको छ र अरुण प्रथम जलविद्युत् आयोजना निर्माणका निम्ति भारत सरकारसँग अनुदान सहयोग माग्ने प्रस्ताव पनि प्रचण्डले गर्नुहुने भएको छ । सो जलविद्युत् आयोजना निर्माणमा सहयोग पु¥याउनेबारे भारत सरकार सकारात्मक रहेको बुझिएको छ ।
यसबाहेक भूकम्पपीडितलाई उपलब्ध गराइने रकम थप गर्नेबारे पनि दुई पक्षबीच सहमति बन्ने सम्भावना छ । प्रचण्डको यो भ्रमणलाई भव्य, उपलब्धिमूलक र स्मरणीय बनाउने सोच भारतीय पक्षले बनाएको छ । प्रधानमन्त्रीको जिम्मेवारीमा पु¥याउनेदेखि भारत भ्रमणलाई भव्य र सफल बनाउनेसम्मका कार्यमा भारतले दर्शाएको तत्परतालाई नेपालभित्र र उत्तरतर्फको छिमेकीबाट समेत अभिरुचिपूर्वक हेरिएको छ । स्वयम् प्रधानमन्त्री प्रचण्डको पार्टी ‘आफ्ना नेतालाई कहीँ लगेर फसाइने’ हो कि भन्ने चिन्ता प्रकट गर्दै छ र पार्टीका जिम्मेवार नेताहरूबाट होसियार रहन प्रचण्डलाई बारम्बार सचेत गराउने काम पट्यारलाग्दो स्तरमा भइरहेको छ । प्रचण्ड र माओवादी पार्टीको राष्ट्रवादी छविमा धक्का नपुगोस् भन्ने चिन्ताले माओवादी नेताहरूबाट प्रचण्डलाई सचेत गराउने काम भएको बुझिन्छ ।
माओवादी नेताहरूले प्रचण्डलाई चीन र चिनियाँ राष्ट्रपतिको सम्भावित नेपाल भ्रमणलाई प्रतिकूल असल पु¥याउने कुनै पनि काम नहोस् भनेर पनि सचेत गराइरहेका छन् । माओवादी पार्टीका नेताहरू ‘भारतले प्रचण्डलाई भनेर चिनियाँ राष्ट्रपतिको भ्रमण रोकाउन सक्ने’ कुराप्रति विशेष रूपले सचेत देखिएका छन् र उनीहरूले चिनियाँ राष्ट्रपतिको नेपाल भ्रमण रोकिने या नहुने अवस्था आएमा त्यसले माओवादी पार्टी र देशलाई समेत नकारात्मक असर पर्ने विश्लेषण गर्दै छन् । ज्ञातव्य छ, भारतको समेत सद्भावका कारण प्रचण्ड नेतृत्वमा सरकार बनेको भए पनि माओवादीका अधिकांश नेताहरू चीनप्रति विशेष सद्भाव र सम्मानभाव राख्ने गर्दछन् । चिनियाँ राष्ट्रपतिको नेपाल भ्रमण भएमा पार्टी र देशलाई कुनै न कुनै प्रकारले लाभ पुग्ने ठहर उनीहरूको छ । तर, प्रचण्ड भने भारतसँग पुनस्र्थापित हुँदै गरेको ‘विश्वास’मा क्षति पुग्ने कुनै कार्य नहोस् भन्नेमा सचेत रहनुभएको बुझिन्छ ।
भारतलाई समेत विश्वासमा लिएर मात्र चीनका राष्ट्रपतिलाई नेपालको भ्रमण गराउनु उपयुक्त हुने प्रचण्डको धारणा रहेको छ । आफ्नो योजनामा उहाँ कसरी सफल हुन सक्नुहुने हो चासोका साथ हेरिएको छ । आपसी विश्वासमा शङ्का पैदा हुने कुनै काम प्रचण्डबाट भएमा त्यसले नेपाल–भारत सम्बन्धलाई पुनः चिसो बनाउने र नेपालको आन्तरिक राजनीतिमा समेत अनपेक्षित हलचल उत्पन्न गराउन सक्ने आशङ्का राजनीतिक विश्लेषकहरूले गरेका छन् ।
प्रतिक्रिया