नेपाली करातेका सफल खेलाडी दक्षिण एसियाली खेलकुद (साग)का दुई स्वर्ण विजेता दीपक श्रेष्ठ कराते कोचेज तथा म्यानेजमेन्ट सेमिनारमा सहभागी हुन क्यानाडाको ओटावा प्रस्थान गरेका छन् । सेमिनार अगष्ट १८ देखि २२ तारिखसम्म सञ्चालन हुनेछ । सेमिनारपछि श्रेष्ठ अमेरिकाको न्युयोर्क जाने छन् । त्यहाँ श्रेष्ठ नेप्लिज स्पोर्ट्स एन्ड कल्चरल डेभलोप्मेन्ट कमिटीले आयोजना गर्ने अन्तरक्रियामा सहभागी हुनेछन् । अन्तरक्रियामा नेपाली खेलकुदको विकासका विषयमा छलफल हुने बताइएको छ ।

त्यस्तै नेपालकै सर्वाधिक सफल खेलाडी सागका कीर्तिमानी ४ स्वर्ण विजेता र एसियाली खेलकुदका २ कांस्य विजेता तेक्वान्दोका दीपक विष्ट इन्टरनेशनल तेक्वान्दो एसोसिएसन (आईएनटीए)को बैठकमा सहभागी हुन अमेरिकाको पोर्टल्यान्ड प्रस्थान गरेका छन् । बैठक अगष्ट १४ तारिखमा हुँदैछ । आईटीएफको अध्यक्षमा सिओल ओलम्पिकमा काश्य पदक जित्न सफल चर्चित तेक्वान्दो खेलाडी विधान लामा रहेका छन । त्यस्तै उक्त संस्थामा नारायण गुरुङ, सविताराज भण्डारी, किशार श्रेष्ठ, कमल श्रेत्री र रेणुका मगर रहेका छन ।

राष्ट्रिय खेलकुद परिषदका सदस्यसचिव केशवकुमार विष्टले श्रेष्ठ र विष्टलाई सातदोबाटोस्थित अन्तर्राष्ट्रिय खेलकुद परिसरमा बिदाइ गरेका थिए ।