आमा बन्ने महिलाका उमेरको प्राकृतिक सीमालाई चुनौती दिँदै इटलीकी एक वृद्धाले १०१ वर्ष उमेरमा बच्चा जन्माएर विश्वका साथ विज्ञानलाई नै आश्चर्यचकित तुल्याएकी छिन् । यस घटनाले महिलामा प्रजनन क्षमताको निम्ति उमेरको कुनै सीमा नहुने साबित गरिदिएको छ । वास्तवमा जोसुकैले पनि जान्दै र मान्दै आएको कुरा हो कि उमेर ढल्कँदै गएसँगै महिलाको प्रजनन क्षमतामा पनि ह्रास आउँछ । तर, इटलीकी अनातोलिया ब्हर्टाडेला नामकी सय कटेकी महिलाले यस प्राकृतिक तथ्यलाई नै गलत साबित गरिदिइन् । यसअघि सोह्र सन्तान जन्माइसकेकी अनातोलियाले सत्रौँ सन्तानको रूपमा फ्रान्सिस्को नामक बालक जन्माउन आफूमा गर्भाशय प्रत्यारोपण गराएकी थिइन् । टर्कीको एक निजी क्लिनिकमा डा. एलेक्जेन्ड्रो पोपोलिकीद्वारा गराइएको पाठेघर प्रत्यारोपणको सन्दर्भलाई आलोचना र विवादको विषय बनाइएको छ, किनकि युरोपीय कानुनअनुसार यो बर्जित हुन आउँछ । कानुनले जे भने पनि अनातोलियाचाहिँ आफूले यस उमेरमा नौ पाउण्डको स्वस्थ बालक जन्माउनुलाई भगवान्को आशीर्वाद ठान्छिन् । सोह्रवटा सन्तान जन्माएपछि ४८ वर्षको उमेरमा क्यान्सरका कारण उनले आफ्नो पाठेघर गुमाउनुपरेको थियो । अहिले सय वर्ष कटेपछि पाठेघर प्रत्यारोपण गराएर सत्रौँ बच्चा जन्माउन सक्दा आफ्नो पुरानो पीडामा समेत मल्हम लागेको र आफूलाई निकै गौरवानुभूति भएको अनातोलियाले बताएकी छिन् ।