स्थानीय तह तेस्रो तहको निर्वाचनका लागि चुनावमा रौतहटका कांग्रेसीहरुले माओवादीसहित अन्य दलसँग तालमेल नगर्न पार्टी नेतृत्व पंक्तीलाई आग्रह गरेका छन् ।
चुनावमा नेतृत्वले माओवदीसँग तालमेलको प्रयास गरिरहेका भन्दै कांग्रेसका कार्यकर्ताले रौतहटको चन्द्रपुर नगरपालिकामा कांग्रेस नेताहरुले चुनावी तालमेल गरे त्यो स्वीकार्य नहुने बताए ।
रौतहट क्षेत्र नम्बर ६ का सचिव बच्चुसाह कानुसहित ७ नेताले मंगलवार विज्ञप्ति जारी गरी चुनावी तालमेल नगर्न पार्टी नेतृत्वलाई आग्रह गरेपछि कांग्रेसमाथि थप दबाब पैदा भएको छ ।
विज्ञप्तिमा चन्द्रपुर नगरपालिकाको मेयर, उपमेयरसहित वडाध्यक्ष तथा सदस्य पदमा अन्य पार्टीसँग तालमेल गर्ने निर्णय भएमा निर्वाचनमा भाग नलिने चेतावनी दिइएको छ ।
कांग्रेस नेतृत्वले एमालेको प्रभाव भएको भनिएको राजमार्ग क्षेत्रका विभिन्न स्थानीय तहमा माओवादी केन्द्रसँग चुनावी तालमेलको प्रयास गरिरहेको खबरहरु आइरहेका छन् ।
प्रेस विज्ञप्ति :
प्रतिक्रिया