मन्त्री केसीको अध्यक्षतामा १३ औं साग समिति गठन

–श्रीविक्रम भण्डारी

युवा तथा खेलकुद मन्त्री राजेन्द्रकुमार केसीको अध्यक्षता सात सदस्यीय १३ औं दक्षिण एसियाली खेलकुद प्रतियोगिता (साग) तयारी समिति गठन भएको छ ।

 उक्त सात सदस्यीय समितिमा दावा गुरुङ्ग (मनाङ), विजयकुमार बस्नेत राज (काठमाण्डौं), लिलेन्द्र प्रधान (काठमाण्डौं), हरिश्वर पोखरेल (तनहुँ), देवनारायण चौधरी (सप्तरी), विज्ञानराज शर्मा (काठमाण्डौं) र टासी घले (मनाङ) रहेका छन ।

यसअघि पूर्वमन्त्री सत्यनारायण मण्डलको अध्यक्षतामा साग तयारी समितिको गठन भएको थियो । जस्को एउटै वैठक बस्न सकेन ।

जस्लेगर्दा साग आयोजना सम्वन्धि कुनै कार्य अगाडि बढ्न सकेन ।  केसीको अध्यक्षता साग तयारी समिति गठन भएपछि अव उपसमितिहरुको टुङ्गो पनि तिहार अगाडि लाग्ने स्रोतले जानकारी गराएको छ । उपसमितिको गठनसंगै सागको आयोजना तिव्र हुने मन्त्रालय स्रोतले जानकारी गराएको छ ।

१३ औं साग आगमी वर्ष काठमाण्डौंमा आयोजना हुँदैछ । तर अहिलेसम्म १३ औं सागको लागि सरकारले कुनै चासो देखाएको छैन ।

सागको लागि अहिलेसम्म बजेट विनियोजन समेत गरेको छैन । यस्तो अवस्थामा साग तयारी समितिको गठन हुनु शुभ संकेत भएपनि विश्वास गर्ने बेलाचाहिँ भैसकेको छैन । नेपालमा आयोजना हुने १३ औं साग अहिले पनि कोमा छ भन्दा अतिसयोक्ति नहोला ।