हरेक चुनावका बेला दल फेर्दै आएका विमल श्रीवास्तव अब संघीय समाजवादी फोरममा जाने भएका छन् । वीरगञ्ज महानगरपालिकाको मेयरको टिकट नदिएपछि उनी राजपा छाडेर फोरम लोकतान्त्रिकमा प्रवेश गरका थिए ।
तर, मेयरमा नराम्रोसंग पराजित भएलगत्तै उनले पार्टी छाडेर प्रवेश गर्ने हल्ला चलेको थियो तर त्यहाँ उनलाई खासै कुनै महत्व नदिएपछि उनी अब भने संघिय फोरम तिर लागेका हुन् ।
बुधबार आफ्नै निवासमा पत्रकार सम्मेलन गरेर श्रीवास्तवले संघीय फोरममा प्रवेश गर्ने घोषणा गरेका हुन् । उनलाई पार्टीमा प्रवेश गराउन फोरम अध्यक्ष उपेन्द्र यादव शनिबार वीरगञ्ज आउनेछन् ।
चार पटकसम्म वीरगञ्जको मेयर भएका उनी पहिलो संविधानसभा निर्वाचनमा राप्रपाबाट र दोश्रोमा तराई मधेस लोकतान्त्रिक पार्टी (तमलोपा)बाट पर्सा १ मा चुनाव लडेका थिए ।
स्रोतका अनुसार उनी प्रतिनिधिसभा सदस्यका लागि पर्सा क्षेत्र नम्बर १ बाट उम्मेदवार बन्ने सर्तमा फोरम प्रवेश गर्न लागेका हुन् ।
प्रतिक्रिया