आगामी प्रदेश सभा तथा प्रतिनिधि सभा निर्वाचनको प्रचार अभियान तिव्र पार्न सातै प्रदेशका १० मुख्य स्थानमा मिडिया सेन्टर स्थापना गर्ने नेपाली काँग्रेसले जनाएको छ ।

मिडिया सेन्टरका संयोजक शुरेस आचार्यका अनुसार आगामी २७ गते धनगढी, नेपालगंज, सुर्खेत, बुटवल, नारायणगढ, पोखरा, बिरगंज, जनकपुर, इटहरी र झापामा गरी एकै पटक १० मुख्य स्थानलाई केन्द्रित गरेर मिडिया सेन्टर खोल्ने तयारी भएको छ ।

‘२७ गते सातै प्रदेशका १० स्थानमा मिडिया सेन्टरको प्रमुख नेताहरुद्धारा उद्घघाटन गर्ने कार्यक्रम छ,,’ आचार्यले भने ।

पोखरामा पार्टी वरिष्ठ नेता रामचन्द्र पौडेल, जनकपुरमा विमलेन्द्र निधि, झापामा कृष्ण सिटौला, बिरगंजमा रमेश रिजाल, धनगढीमा बद्री पाण्डेले मिडिया सेन्टरको उद्घघाटन गर्ने आचार्यले जानकारी दिए । अन्य स्थानमा पनि केन्द्रीय नेताहरुले सेन्टरको शुरुवात गर्ने आचार्यले बताए ।

सो स्थानमा खोलिएका मिडिया सेन्टर मार्फत छिमेकी जिल्लाहरुमा पार्टीका जिल्ला स्तरका नेताको संयोजकत्वमा उपसमिति गठन गरिने छ भने मिडिया मनिटरिङ्गको जिम्मा प्रेस युनियनले लिने युनियनका अध्यक्ष बद्री सिग्देलले बताए ।