आगामी माघ ११ देखि १६ गतेसम्म काठमाडौंको भृकुटीमण्डपमा सूचना प्रविधिको क्यान इन्फोटेक मेला आयोजना गरिएको छ । महासंघले २२ वर्षदेखि सूचना प्रविधिको विकास विस्तारका लागि क्यान इन्फोटेकजस्ता सूचना प्रविधिकहरुको मेला गर्दै आएको छ ।
६ दिनसम्म संचालन हुने यस वर्षको मेलामा क्यान महासंघका सदस्य संस्था, विभिन्न राष्ट्रिय र अन्तराष्ट्रिय सूचना तथा सञ्चार प्रविधि सम्बन्धित कम्पनीको सहभागिता रहने महासंघले जनाएको छ ।
प्रदर्शनीमा हार्डवेयर सेल्स तथा मेन्टीनेन्स, पावर सोलुसन्स, मोवाईल एसेसोरिज, डिलर र डिस्ट्रिव्युटर्स, ईन्टरनेट सेवा प्रदायक, टेलिकम्युनिकेशनस, आई सी.टी कलेज तथा ट्रेनिङ्ग ईन्स्टिच्युटस, सफ्टवेयर सोलुसनस पेमेन्ट सोलुसन्स् र अन्य रहेको महासंघले जानकारी दिएको छ ।
मेला अवलोकनका लागि सर्वसाधारणहरुलाई एक सय रुपैयाँ र विद्यार्थीहरुलाई पचास रुपैयाँ तोकिएको महासंघले जनाएको छ । प्रदर्शनीले नेपाली सूचना प्रविधि क्षेत्रको समुन्नत विकासमा सहयोग पुयाउनेछ भन्ने महासंघले आशा लिएको छ ।
महासंघका अनुसार मुख्य प्रदर्शनी हलभित्र ४९ वटा ठुला र हल बाहिर ५ वटा ब्रान्डिङ्ग प्रदर्शनी कक्षहरु रहेका छन् भने ट्रेसमा १४४, ओपन स्पेसहरु १४ र फुड स्टलहरु १० गरी जम्मा २२२ स्टलहरु रहनेछन् ।
प्रतिक्रिया