सर्वोच्च अदालतका प्रधानन्यायाधीशको जन्ममिति फरक–फरक रहेको भन्दै नैतिक प्रश्न उठाउने अनशनकारी डा. गोविन्द केसीले त्रिभुवन विश्वविद्यालयमा पेस गरेका दस्तावेजहरूमा भिन्न–भिन्न जन्ममिति भएको तथ्य घटना र विचारले सार्वजनिक गरेपछि केसी तिल्मिलाउन पुगेका अनुभूति गरिएको छ । आफ्ना विभिन्न प्रमाणपत्रहरूमा फरक–फरक जन्ममिति भएको बारे जवाफ दिन आज त्रिवि शिक्षण अस्पतालमा पत्रकार सम्मेलनसमेत आयोजना गरेका छन् ।
जन्ममितिबारे विवाद उठेकोले सार्वजनिक जवाफ दिन विवश बनेका चिकित्सक केसीले आफूबाट त्रुटी भएको आमसञ्चारकर्मी समक्ष स्वीकार गरेका छन् । विभिन्न प्रमाणपत्रहरूमा आफूले फरक–फरक जन्ममिति उल्लेख गरेको स्वीकार गरेका केसीले गल्ती ढाकछोप गर्न आफूबाट ‘मानवीय त्रुटी’ भएको तर्क गरेका छन् ।
यसरी आफ्ना प्रमाणपत्रहतमा फरक–फरक जन्ममिति भएको तथ्यलाई ‘मानवीय त्रुटी’ भन्दै उम्कन खोजेका चिकित्सक केसीले प्रधानन्यायाधीश गोपाल पराजुलीको हकमा चाहिँ मानवीय त्रुटी भएको हुनसक्ने या नसक्नेबारे केही बोलेका छैनन् । उनले आफ्ना प्रमाणपत्रमा भएका ‘त्रुटी’ सच्याउन अब पहल गर्ने अभिव्यक्ति दिएका छन् ।
यस्तो छ चिकित्सक केसीको वक्तव्य–
यो पनि हेर्नुहोस्-
प्रतिक्रिया