मेलम्ची खानेपानी आयोजनाको पाइप बिच्छाउनका लागि आज काठमाडौं उपत्यकाका विभिन्न स्थानमा विद्युत कटौती गरिने भएको छ ।

नेपाल विद्युत प्राधिकरणले मेलम्ची आयोजनाका पाइप बिच्छाउनका लागि नयाँ बसपार्क, मित्रनगर, पवित्रनगर, दीपज्योति स्कुल आसपासका क्षेत्रमा विद्युत्त आपूर्तिलाई कटौती गर्ने भएको हो ।

प्राधिकरणका एक कर्मचारीले घटना र बिचारलाई दिएको जानकारी अनुसार महाराजगञ्ज वितरण केन्द्र अन्तर्गतको गोंगबु शिब मन्दिर आसपासका क्षेत्रमा पाइप बिच्छ्याउनुपर्ने भएकाले अहिले बिहान १० बजेदेखि साँझ ५ बजेसम्मका लागि निश्चित क्षेत्रमा मात्रै विद्युत कटौती गर्ने भएको हो ।