नेपाल सितोरियो कराते संघको बार्षिक कार्यक्रम अनुसार हाईस्कूल कमिटीको आयोजनामा जेठ १३ देखि २३ औं अन्तर्राष्ट्रिय हाईस्कूल कराते प्रतियोगिताको आयोजना हुने भएको छ ।

चिल्ड्रेन, क्याडेट, जुनियर तथा सिनियर ईभेन्ट सहित पुरुष तर्फ ३४ र महिला तर्फ ३३ ईभेन्ट गरी कूल ६७ स्वर्णका निम्ति प्रतिस्पर्धा हुने कार्यक्रम संयोजक एबम हाईस्कूल कमिटीका अध्यक्ष गजेन्द्र बहादुर खपाँगीले जानकारी गराएका छन् ।

प्रतियोगितामा नेपाल सहित भारत, बंगलादेश र भुटान गरी करिव दुई हजार खेलाडीहरुको सहभागिता रहनेछ । तीन दिन सम्म निरन्तर चल्ने उक्त प्रतियोगिताका खेलहरु त्रिपुरेश्वर स्थित राखेप कभर्डहलमा संचालन हुनेछ ।

बिगत २२ बर्षदेखि संचालन भईरहेको यस प्रतियोगिता २३ औं संस्करणको रुपमा यस पटक आयोजना हुदैछ । प्रतियोगिता बिधालयस्तरका उदयीमान खेलाडीहरुका निम्ति गतिलो प्लेटफर्मको रुपमा मानिएको छ ।