भारतमा स्टक रहेका, पूराना एवं गुणस्तरहीन सामग्रीहरु नेपालका बजारमा प्रतिष्पर्धात्मक रुपमा बिक्रि हुनु विडम्बनाको पक्ष बनेको छ । भारत नयाँ प्रविधि र उत्पादनमा लम्किरहेपनि नेपाल भने भारतले हटाउन थालेको साधनहरुमा नै अझै पनि रमाउदै आएको छ ।
छिमेकी राष्ट्र भारतले मुलुकबाटै यूरो–३ मापदण्डका सवारी साधनहरु हटाउने निर्णय लिएको छ । तीव्र गतिमा बढिरहेको वायु प्रदूषण नियन्त्रण गर्न आगामी अप्रिलबाट भारतले यस्तो निर्णय लिएको हो ।
तर, भारतसँग सीमा जोडिएको नेपालमा भने भारतमा निषेध गरिएका युरो–३ मापदण्डका सवारीसाधनहरु भित्रिन थालेका छन् ।
भारतस्थित सर्वोच्च अदालतले युरो–३ मापदण्डका गाडी बिक्री तथा दर्तामा समेत रोक लगाएपछि यस्ता गाडीको उत्पादन पनि बन्द भएको छ । युरो–३ गाडीलाई वायु प्रदूषणको प्रमुख कारक मानिए पनि पछिल्लो समय उक्त सवारीसाधनको राम्रो बिक्री केन्द्र नेपाल बन्दै गएको छ । तर, यातायात व्यवस्था विभागका निर्देशक प्रेमकुमार सिंहले भने युरो–३ मापदण्डका सावरी साधनले कुनै असर नगर्ने जिकिर गर्नु हुन्छ ।
नेपालमा पनि युरो–३ विस्थापित गरेर युरो–४ मापदण्डका गाडीमात्र भित्र्याउन मिल्ने व्यवस्था मिलाउने तयारी भइरहेको छ तर निर्णय भने भएको छैन । यसका लागि विभागले मन्त्रालयमा फाइल पठाएपनि अहिलेसम्म बिचाराधिन भएको निर्देशक सिंहको भनाई छ ।
विज्ञले युरो–४ मापदण्ड लागू गर्न ढिलाइ भइसकेको बताउँदै आएपनि सरकार यस विषयमा मौन बसेको छ । युरो–४ मापदण्ड समयमै लागू नगर्दा भारतमा फेज आउट भएका युरो–३ मापदण्डका सवारीसाधन थन्क्याउने ठाउँका रुपमा नेपाल प्रयोग भइरहेको छ । तर यसप्रति भने नेपाल सरकारको ध्यान भने गएको छैन् ।
प्रतिक्रिया