फिफा विश्कप फुटबल अन्तर्गत समुह ‘एच’ मा भएको पहिलो खेलमा एसियाली टिम जापानले दक्षिण अमेरिकी टिम कोलम्बियालाई २–१ गोलको अन्तरले पराजित गरेको छ । जापानको तर्फवाट युया ओशाको र शिंन्जी कगावाले गोल गोल गरेका थिए । त्यस्तै कोलम्बिलाको तर्फवाट एक मात्र गोल जुआनले गरेका थिए ।

सुरुमै आक्रमक रुपमा प्रस्तुत भएको जापानले खेल शुभारम्भ भएको ३ मिनेटमै पेनाल्टी प्राप्त गरेको थियो । जापानका खेलाडीले गोलपोस्टमा प्रहार गरेको बललाई कोलम्वियन खेलाडी कार्लोस सान्चेसले डि बक्समा हातले रोकेपछि जापानले पेनाल्टी र सान्चेसलाई रेड कार्ड दिएर मैदान बाहिर पठाईएको थियो । त्यसपछि मिडफिल्डर ओशाकाले पेनाल्टी प्रहार गर्दै गोलमा परिणत गरेका थिए । यसरी खेल शुरु भएको ६ मिनेटमै जापानले अग्रता लिन सफल भएको थियो ।

१० खेलाडीमा सिमित कोलम्वियन टीमले त्यसपछि रक्षात्मक खेलको रणनीति अपनाएको थियो । सो रणनीतिको फाइदा उठाउँदै जापानले निकै आक्रमण खेलको प्रस्तुत गर्दै पोस्टमा चार्ज गरेपनि गोल गर्न असफल भएको थियो । यसैविच कोलम्वियाले ३९ मिनेटमा फ्री किक प्राप्त गरेको थियो । जस्लाई कप्तान फाल्काओले सुन्दर प्रहार गर्दै गोलमा परिणत गरेका थिए । यसरी पहिलो हापको खेल बराबरीमा टुङिगएको थियो ।

दोश्रो हापमा जापान अँझै आक्रमक रुपमा प्रस्तुत भएको थियो । खेलको पुरै समय बलमा आफ्नो नियन्त्रण राख्दै कोलम्वियालाई पुरै दबाब बनाएको थियो । परिणाम ७० मिनेटमा जापानले अर्को गोल गर्दै खेलमा २–१ ले अग्रता बनाएको थियो । कर्नरबाट हानेको बललाई युया ओशाकाले हेडद्वारा गोलमा परिणत गरेका थिए । यो विजयसँगै दक्षिण अमेरिकी राष्ट्रलाई पराजित गर्ने जापान एसियाको पहिलो राष्ट्र बनेको छ ।