पूर्व–पश्चिम राजमार्गअन्तर्गत सप्तकोसीमा आज ट्रक खस्दा दुईजनाको मृत्यु भएको छ भने सातजना घाइते भएका छन् ।
मृत्यु हुनेमा सुनसरीको रामधुनी–१ झुम्का बस्ने ४५ वर्षीय घनश्याम चौधरी र सुनसरीकै बराहा नगरपालिका–१ चतरा बस्ने विनोद बराइली रहेको सप्तरीका प्रहरी उपरीक्षक मुकेशकुमार सिंहले जानकारी दिए ।
दुर्घटनामा परी घाइते भएका अन्य सातजनालाई विराटनगरस्थित न्युरो अस्पतालमा उपचारका लागि पठाइएको प्रहरी उपरीक्षक सिंहले बताए ।
हेटौँडाबाट विराटनगरतर्फ जाँदै गरेको ना.४ ख ३५६ नं. को ट्रकमा को.१ क १०४३ नं. को स्काभेटर ‘लोड’ गरी जाँदै गरेको अवस्थामा सप्तकोसी नदीमा खसेको थियो ।
प्रतिक्रिया