अर्थमन्त्री युवराज खतिवडा वित्तीय क्षेत्रका निम्ति कति ठूलो आतङ्क बनेका रहेछन् भन्ने सङ्केत आज शेयर बजारमा देखियो ।

मंगलबार बिहानदेखि युवराज खतिवडालाई अर्थमन्त्रीबाट हटाईंदैछ भन्ने चर्चा चल्दा शेयरबजार अचानक उकालो लागेपछि उनी आर्थिक जगतमा कति ठूलो आतङ्क बनेका रहेछन् भन्ने स्पष्ट हुन पुगेको हो ।

मन्त्री खतिवडा हट्ने चर्चा चलेसँगै बिहान शेयर बजार दोहोरो अङ्कले बढेर सर्किट ब्रेक लगाउनु परेको थियो । खतिवडा मन्त्री भएयता क्रमशः ओरालो लागेको शेयर बजार निरासाजनक अवस्थामा पुगेको थियो ।

अपरान्ह तीन बजे शेयर कारोबार बन्द हुँदा औषत ४.७७ अङ्कले वृद्धि भई औसत नेप्से ११९९.२७ अङ्क कायम भएको छ । मध्यान्हसम्म उतसाहजनक रुपले वृद्धि भएको शेयर कारोबार युवराज खतिवडा पदमा कायम रहेको सूचना भएपछि नेप्से परिसूचक पुनः ओरालो लागेको थियो ।

यस घटनाले वित्तिय बजार निराशाजनक अवस्थामा पुग्नुको एक मात्र कारण खतिवडा भएको स्पष्ट हुन पुगेको छ ।