मोरङ जिल्लामा रहेका तीनवटा मदिरा उद्योगले गत आव ०७४–७५ मा एक अर्ब ६२ करोड ३७ लाख रुपैयाँ अन्तःशुल्क बुझाएका छन् ।

यसरी अन्तःशुल्क बुझाउनेमा मोरङको बूढीगंगा गाउँपालिका टंकीसिनबारीमा रहेको नेपाल लिकर्स प्रालिले रु. एक अर्ब २२ करोड ५५ लाख, बूढीगंगा मोरङमै रहेको गोल्डेन लिकर्स प्रालिले रु. २५ करोड ६५ लाख र मोरङ रंगेली दर्बेसामा रहेको चण्डिका डिस्ट्रिलरी प्रालिले रु. २४ करोड १७ लाख अन्तःशुल्क बुझाएको आन्तरिक राजस्व कार्यालय विराटनगरले जनाएको छ ।

मदिरा उद्योगले मदिरा उत्पादन र निकासी गरेबापत अन्तःशुल्क बुझाउने गरेका छन् । कार्यालयले अन्तःशुल्क चुहावट रोक्न मदिरा उद्योगमा कर्मचारी खटाएर अनुगमनलाई तीव्र पारेको छ । उक्त तीनवटै मदिरा उद्योग ठूला करदाता कार्यालयमा गइसकेका छन् ।