बलात्कारपछि हत्या गरिएकी १३ वर्षीया निर्मला पन्तको वास्तविक हत्यारा पत्ता लगाउन माग गर्दै शुरु भएको आन्दोलनले उग्र रूप लिएपछि जिल्ला प्रशासन कार्यालयले कर्फ्यु आदेश जारी गरेको छ ।
प्रदर्शनका क्रममा प्रदर्शनकारी र प्रहरीबीच भएको झडप र त्यसपछि प्रहरीबाट चलाइएको गोलीबाट १० जना प्रदर्शनकारी घाइते भएपछि आन्दोलनले अझ चर्को रूप लिएपछि अन्ततः जिल्ला प्रशासन कार्यालय आज (बिहीबार) दिउँसोबाट अनिश्चितकालीन कर्फ्यु लगाउन बाध्य भएको हो ।
बलात्कार घटनामा प्रहरीले नक्कली अभियुक्त सार्वजनिक गरेर वास्तविक अभियुक्त बचाउन खोजेको भन्दै स्थानीय आक्रोशित भएका छन् ।
प्रतिक्रिया