अदालतको काम कारबाहीमा अवरोध गरेको भन्दै रास्वपाका सांसदहरुविरुद्ध जिल्ला प्रहरी परिसर काठमाडौंमा निवेदन परेको छ ।

नेपाल सरकार, नेपाल प्रहरी र अदालतको काम कारबाहीमा अवरोध गर्ने रास्वपा सांसदहरुलाई मुलुकी अपराध संहिता, २०७४ को दफा (५)को उपदफा (४)बमोजिम ३ वर्ष जेल सजाय र ३० हजार जरिवानाको माग गर्दै युवराज सफलले जिल्ला प्रहरी परिसरमा जाहेरी पेश गरेका हुन् ।

जाहेरीमा उनले संसदीय छानबिन समितिले कारवाही गर्न सिफारिस गरेपछि प्रहरीले अदालतको आदेशमा गरेको कारवाहीप्रति अवरोध सिर्जना गर्न आन्दोलन गरिरहेको र कार्यकर्तालाई अनिवार्य उपस्थितिको लागि उर्दी समेत जारी गरेकोले सो कार्य मुलुकी अपराध संहिताविपरित भएको उल्लेख छ ।