रमेश विक, गुल्मी
निजामती सेवा दिवस २०७५ मुल समारोह समिति गुल्मीले आज सदरमुकाम तम्घासमा विविध कार्यक्रमका साथ १५औं निजामति सेवा दिवस सम्पन्न गरेको छ ।
दिवसको अवसर पारेर निजामति सेवामा लागेका कर्मचारीहरुले सदरमुकाम तम्घास बजारमा प्रभातफेरी कार्यक्रम सप्पन्न गरे । प्रमुख जिल्ला अधिकारी यदुनाथ पौडेलको नेतृत्वमा सम्पन्न प्रभातफेरी मा विभिन्न कार्यालय प्रमुख तथा जिल्लास्थित निजामती कर्मचारीहरुको सहभागिता रहेको थियो ।
दिवसको अवसरमा गरिएको कार्यक्रमले कर्मचारी मिलन केन्द्रको तर्फबाट तम्घास अस्पताललाई थप व्यवस्थितका साथै फोहोरमुक्त बनाउनको लागि विभिन्न सरसफार्इ सामग्री हस्तान्तरण गरेको छ । सोही अवसरमा कारागार कार्यालय गुल्मीमा रहेका कैदीबन्दीहरुलाई मध्यनजर गरी विभिन्न खेलकुद सामग्रीहरु पनि हस्तान्तरण गरेको कर्मचारी मिलन केन्द्रका सचिव प्रशासकीय अधिकृत लक्ष्मण पाण्डेयले जानकारी दिए ।
प्रतिक्रिया