उत्तर भारतको पहाडी सडकमा भएको एक सडक दुर्घटनामा परी कम्तीमा तीन व्यक्तिको मृत्यु हुनको साथै अन्य ५० जना घाइते भएका छन् ।
एक निजी बस पहाडी सडकमा पल्टिँदा सो दुर्घटना भएको प्रहरी स्रोतले जानकारी दिएको छ । बुधबार राति चिप्लो सडकमा बस पल्दिँदा सो घटना भएको र तीन व्यक्तिको घटना स्थलमै मृत्यु भएको छ ।
घाइतेलाई अस्पताल भर्ना गरिएको र घाइतेमध्ये सातको अवस्था भने चिन्ताजनक रहेको नाम नबताउने सर्तमा एक प्रहरी अधिकारीले बताए ।
प्रत्यक्षदर्शीका अनुसार चालकले नियन्त्रण गुमाउँदा सो दुर्घटना भएको हो । सो क्षेत्रमा लगाइएका घेराहरूको कारण बस खाल्डोमा खस्नबाट बचेको र घेरै व्यक्ति बाँच्न सफल भएका स्थानीय प्रहरी प्रमुख मोनिकाले सञ्चारमाध्यमलाई बताए ।
प्रतिक्रिया