इन्डोनेसियाको बालीमा जारी चौथो भोभिनम एसियन च्याम्पियनसिपमा नेपालका तर्फबाट ७२ केजी तौल समूहमा अजय बुढाथोकीले रजत पदक जितेका छन् । उनी क्वार्टरफाइनलमा बाई पाएर सेमिफाइनलमा प्रवेश गरेका थिए । सेमिफाइनलमा कम्बोडियाका खेलाडीलाई हराउँदै फाइनलमा पुगेका बुढाथोकी फाइनलमा भने भियतनामका खेलाडीसँग पराजित भएका थिए ।

बुढाथोकीले यसअघि पनि मिक्स मार्सल आर्टमा विभिन्न पदक जित्नुका साथै विश्व च्याम्पियनसिपमा समेत सहभागिता जनाइसकेका छन् । प्रतियोगितामा नेपालको प्रतिनिधित्व गर्दै चारसदस्यीय टोलीमा प्रशिक्षकद्वय सीताराम हुमागाई, राजेश तामाङ र खेलाडी अजय बुढाथोकी, पुकार हुमागाईंले सहभागिता जनाएका थिए ।

त्यस्तै अजय र पुकारले सेट फाइट इभेन्टमा कांस्य पदक जितेका छन् । विभिन्न अन्तर्राष्ट्रिय च्याम्पियनसिपहरूमा सहभागिता जनाएका पुकार हुमागार्इंको भने यो पहिलो अन्तर्राष्ट्रिय पदक हो ।