नेपाल राष्ट्रिय मार्सल आर्टस् गेम्स महासंघका महासचिव एवं नेपाल तेक्वान्दो महासंघका अध्यक्ष दिनेश शर्मा एसियन मार्सल आर्टस्को सर्वोच्च निकाय एसियन मार्सल आर्टस् गेम्स कमिटीको महासचिवमा चुनिएका छन् ।

थाइल्यान्डको बैंककमा मंसिर ६ गते बिहीबार सम्पन्न एसियन मार्सल आर्टस् गेम्स कमिटीको बैठकले शर्मालाई चार वर्षका लागि महासचिवमा चयन गरेको हो । सोही बैठकले उक्त कमिटीको अध्यक्षमा भारतका बीके भरतलाई चयन गरेको छ ।

भारत, नेपाल, बंगलादेश, अफगानिस्तान, पाकिस्तान, उज्वेकिस्तान, दुबई, रसिया, टर्कीलगायत देश आबद्ध रहेको कमिटीको अन्य पदाधिकारीहरू जर्मनीमा रहेको विश्व मार्सल आर्टस् गेम्स कमिटीको अन्तर्राष्ट्रिय हेडक्वार्टरसँग समन्वयमा अध्यक्ष तथा महासचिवले चयन गर्ने महासचिव शर्माले जानकारी गराए ।