नाइजेरियाको उत्तरपूर्वी क्षेत्रमा बोको हरामले राखेको विद्युतीय धरापमा परी ७० भन्दा बढी सुरक्षाकर्मीहरू मारिएका छन् ।

केही दिनअघि भएको घटनामा परी उनीहरू मारिएको सैन्य अधिकारीहरूलाई उद्धत गर्दै सिन्ह्वाले जनाएको छ ।

बोर्नोको मेलेटे क्षेत्रमा बोको हरामले सुरक्षाकर्मीहरूको टोलीलाई लक्षित गरेर राखेको विद्युतीय धरापमा उनीहरू परेको जनाइएको छ ।

मारिएका मध्ये अधिकांश तल्लो तहका सैनिक र एक जना प्रमुख सेनानी रहेका छन् । तर सैन्य प्रवक्ताले भने यस बारेमा कुनै प्रतिक्रिया दिनु भएको छैन ।