विद्युत् चुहिएर गएराति झापा दमक नगरपालिका–३ का दुई घरमा आगलागी हुँदा करिब १० लाख रुपैयाँबराबरको सामान क्षति भएको छ ।
स्थानीय विष्णु चिमोरियाको घरगोठ र सँगै जोडिएका छिमेकी श्रीप्रसाद भण्डारीको भान्साघर र गोठमा गएराति ७ बजेतिर आगलागी भएर अन्नपात, धानको कुन्यु जल्दा करिब १० लाख रुपैयाँबराबरको सामान क्षति भएको प्रहरीको प्रारिम्भक अनुमान छ ।
आगलागीबाट घरभित्र रहेका दुई परिवारको सय मुरी मकै, १२० मन धान र दुई परालको माचसमेत नष्ट हुनाका साथै गोठमा रहेका पाँच बाख्रासमेत जलेर मरेको अस्थायी प्रहरी बाघखोर पोस्टले जानकारी जनाएको छ ।
घरबाट पम्पसेटमा जडान गरेको बिजुलीको तारमा अचानक आगो लागेपछि नजिकै रहेको परालको माचमा आगलागी भएको हुन सक्ने प्रहरीको अनुमान छ ।
प्रतिक्रिया