न्युजिल्यान्डको क्राइस्ट चर्चस्थिति अल–नूर–मस्जिदमा नकाबधारीले चलाएको गोलीबाट ४० जना नागरिकको मृत्यु भए पनि उक्त घटनामा बंगलादेशका राष्ट्रिय क्रिकेट टिमका खेलाडी भने सकुशल रहेका छन् । यो दुःखद घटनामा थुप्रै नागरिक घाइते भएका छन् ।

जुन बेला यो घटना घटेको थियो त्यतिबेला बंगलादेशका क्रिकेट टिमका खेलाडी उक्त मस्जिदमा थिए । मस्जिदमा प्रार्थना गर्न गएका बेला उक्त घटना घटे पनि खेलालाई सकुशल उद्धार गरिएको थियो । त्यसपछि खेलाडीलाई सुरक्षित मार्गबाट ओवल मैदानमा पुऱ्याइएको थियो ।

यतिबेला बंगलादेशको टिम न्युजिल्यान्डको भ्रभणमा छ । उनीहरू सो समयमा प्रशिक्षणको लागि ओवल मैदानमा जान लागेका थिए । चैत २ गते शनिबारदेखि बंगलादेश र न्युजिल्यान्डबीच पहिलो टेस्ट शुरु हुँदै छ । यो घटनाबीच दुवै टिमले टेस्ट क्रिकेट रद्द गर्नुपर्ने साझा माग गरेका छन् । तर, न्युजिल्यान्ड क्रिकेट बोर्डले भने अहिलेसम्म यसबारेमा कुनै निर्णय लिएको छैन ।