नेपालकै सबैभन्दा ठूलो इलेक्ट्रोनिक्स् ब्राण्ड सिजीले यसपालिको ‘नयाँ वर्ष’लाई लक्षित गर्दै ‘नयाँ वर्ष, नयाँ प्रविधि’ नामक नयाँ उपहार योजना अघिसारेको छ । यस उपहार योजनाअन्तर्गत ग्राहकले सिजी ब्राण्डका विभिन्न इलेक्ट्रोनिक्स् सामानको खरिदमा १० वर्षसम्मको वारेन्टी, २८ प्रतिशतसम्मको आकर्षक बचत (क्यासब्याक) तथा अन्य विभिन्न निश्चित उपहारहरू प्राप्त गर्ने कम्पनीले जनाएको छ ।

उक्त योजनाअन्तर्गत ग्राहकहरूले सिजी ब्राण्डका टेलिभिजनहरूको खरिदमा तीन वर्षसम्मको वारेन्टी तथा २८ प्रतिशतसम्मको बचत प्राप्त गर्न सक्ने छन् । सिजी ब्राण्डका रेफ्रिजरेटरहरूको खरिदमा ६० महिनाको वारेन्टी र २८ प्रतिशतसम्मको बचत प्राप्त गर्न सक्ने कम्पनीको भनाई छ ।

सिजी ब्राण्डका विभिन्न वाशिङ मेशिनहरूको खरिदमा १० वर्षसम्मको वारेन्टी तथा वाटर प्युरिफायर प्राप्त सकिने र सिजी ब्राण्डका अन्य थुप्रै इलेक्ट्रोनिक्स् प्रोडक्टमा पनि यस्तै आकर्षक पक्का उपहारहरू रहेको बताइएको छ ।

यो योजना कम्पनीले चैत्र १८, २०७५ देखि देशभरमा सिमित अवधिका लागि लागु गरेको छ ।