बेलायतस्थित प्रसिद्ध लिड्स विश्वविद्यालयका प्रोसेसर डा. सूर्य सुवेदीको अगुवाईमा गैर आवाससीय नेपाली संघ बेलायतमा व्यापक आर्थिक अनियमिता भएको आफ्नो नाम नबताउने शर्तमा एक सम्वद्ध गैरआवासीय नेपालीले बताएका छन् । गत २९ सेप्टेम्बरमा एनआरएनए यूके संस्थापन पक्ष (योगेन क्षेत्री अध्यक्ष रहेको) र असन्तुष्ट पक्ष (महेन्द्र कंडेल अध्यक्ष रहेको)लाई मिलाउने क्रममा सदस्यता वापत उठेको रकममध्य २०/२० हजार मात्र तिरी चक्रिय प्रणालीमा एक एक बर्ष अध्यक्ष हुन सुझाएका थिए । दुवै तर्फबाट करीब बाह्र हजार एकसय सदस्य संख्या रहेको र ती सदस्यबाट उठाइएको (प्रतिव्यक्ति १० पाउण्डका दरले) करीब एकलाख एक्काईस हजार पाउण्डमध्य करीब असी हजार पाउण्ड घोटला गरिएको छ । एनआरएनए यूकेलाई एक बनाउने नाममा एक करोड बढी नेपाली रुपैंया खुलेआम घोटला गरिनुलाई सबैले आर्श्चर्य मानेका छन् ।

यसअघि अगष्टको १७ गते सम्पन्न मतदाता नामावली दर्ता गर्ने दिन सहभागी नभई २५ अगष्टमा छुट्टै निर्वाचन समितिमार्फत नयां कार्यसमिति चयन गरेका तत्कालीन उपाध्यक्ष महेन्द्र कंडेलसंग करीब ६ हजार ६ सय सदस्य थिए । ती सदस्य प्रत्यकबाट उठाइएको करीब ६६ हजार पाउण्ड र योगेन क्षेत्री अध्यक्ष रहेको एनआरएनमा उठाइएको ५५ हजार पाउण्ड एनआरएनको नाममा मिलेर खाने षड्यन्त्रमा एनअनरएनसम्वद्धहरु मिलेका हुन् कि भन्ने आशंका लागेको बताइएको छ । सामाजिक संस्थामा राजनीति गर्नेहरुले सदस्यताबापत उठाएको रकम यसरी झ्वाम पार्दा पनि यहांका बुद्धिजीवी र नवगठित नागरिक समाज आंखामा पटि्ट लगाएर बसेको छ ।

दूतावासमा पैसाको भागबण्डा

सेप्टेम्बर २९ गते सूर्य सुवेदीले दुबै पक्षलाई मिलाउन कार्यसमितिका पदाधिकारीसहित पूर्व अध्यक्षहरुलाई नेपाली दूतावास भवन लण्डनमा बोलाएका थिए । दिउंसो चारबजे उनीहरुलाई बोलाए पनि दुबै पक्षका हर्ताकर्ता पांचबजेतिर आइपुगे र सुवेदीले असाधारण भेला नाम दिई आफ्ना २१ बुंदै एकताको प्रस्ताव दुबै कार्यसमितिका उपलब्ध सदस्यसामु पेश गरे । उनले पहिलोपटक पेश गरेको सुझावमध्य महेन्द्र कंडेललाई तीस हजार पाउण्ड तिर्ने र पछिल्लो एक बर्ष कार्यकारी अध्यक्ष खाने सहमतिमा योगेनक्षेत्री समुहले मानेनन र पुरै पैसा (६६हजार पाउण्ड नै तिर्नुपर्ने) अडान राखेका थिए । तर सुवेदीको मिल्न आग्रह गर्दै नमिले सोही मितिदेखि नै आफू एनआरएनबाट बाहिरिने भनेपछि सहभागी धेरैले मिल्न योगेन समूहलाई सुझाएको थियो । आफ्नो तर्फबाट चाहिं ५५ बजार पाउण्ड तिर्ने अनि अर्को तर्फबाट तीस हजारमा अध्यक्ष बन्ने भएपछि योगेन समूह त्यमसा सहमत भएन र आफूले तिरेको ५५ बजार पाउण्डबाट तीस हजार एनआरएनमा बुझाई बांकी फिर्ता लिने शर्तमा उनीहरु मान्न तयार भए । तीस तीस हजार पाउण्ड दुवै तर्फबाट आउने पक्का पक्की भएपछि फेरि मान्न कंडेल समूह तयार भएन । बरु आफूहरु ६६ हजार तिर्ने र पहिलो पटक अध्यक्ष खाने च्यांखे दाउमा उनीहरु लागे । त्यो कसैलाई पनि पाच्य थिएन । तीस हजार पाउण्ड तिर्न कंडेलपक्ष (६६ सय सदस्य संख्या भएको) सहमत नभएपछि उनलाई हस्ताक्षर गर्न उनकै कार्य समितिले चयन गरेको आईसीसी सदस्य कर्ण शाहीले पनि सुझाएका थिए । कुनै पनि हालतमा तीस हजार पाउण्ड नतिर्ने बरु आफूहरु वार्ता छाडेर हिड्ने मनस्थिति बनाएपछि उनी २० हजार पाउण्ड (दुईहजार सदस्य संख्या बराबरको पैसा मात्र) तिर्न राजी भए । योगेन क्षेत्री पनि २० हजार पाउण्डमा एक बर्ष अध्यक्ष सम्हाल्न सहमत भएपछि प्रोफेसर सुवेदीले एनआरएन यूके टालटुल गरे । अब प्रश्न उठ्छ के एनआरएन यूकेमा २० हजार पाउण्डमा एकबर्ष अध्यक्ष पद चलाउन पाइन्छ ? सदस्यबाट उठाई एको प्रति सदस्य दश पाउण्ड कता गयो ? च्यारिटि संस्थामा उठेको त्यत्रो पैसा मिलेर खान पाइन्छ ? त्यो पैसा कहां कसरी खाने प्रपञ्च गरियो या गलत संस्कृतिको जग बस्यो ? यी प्रश्नहरुको उत्तर सुवेदी जसको संयोजकत्वमा उक्त भेला बसेको थियो, संग छ ?

यस्तो पनि थियो दूतावासमा

दूतावास सबै नेपालीहरुको धरोहर र गौरब हो । दूतावास तमाम बेलायतवासी नेपालीहरुको घरसरह हो तर एनआरएनका केही लठैतहरुले त्यही घरमा एकअर्काप्रति तितो आक्रोस पोखे, कुर्सी उचाले र कतिलाई लात्ताले समेत भकुरे यस्तो दृश्य गराउन भुमिका खेल्ने प्रोफेसर सूर्य सुवेदी भीडलाई शान्त हुन आग्रह गर्दै थिए । बेलायतको संवेदनशील ठाउंमा रहेको संवेदनशील भवनमा यसरी गाईजात्रे पारा गर्नु हामी बहादुर नेपालीको बहादुरी पनि हो कि ? त्यही बहादुरी हामी देखाउंदै थियौं । बर्मा गए कर्मसंगै, नेपाल गए कपालसंगै भनेजस्तै नेपालीहरुको यो गाईजात्रे पारा देखेर दूतावासमा उपनियोगप्रमुख जिल्ल परे, एनआरएनका केही अग्रजहरु यस्ता दृश्य देखेर चकित भए ।

एनआरएन विवाद के रैछ ?

एनआरएन यूके विवाद अहिले टालिएको छ । माटाको गाग्रो टालिएको जस्तो । तर यति घृणित काम भयो यो टाल्न त्यो जस्तो उदेकलाग्दो अरु के होला र ? पैसामा एनआरएनको किनबेच अहिले आएर पुष्टि भएको छ । त्यो पनि एनआरएनकै संरक्षकले त्यसको पुष्टि गरिदिए । २० हजार पाउण्ड तिर, एक बर्ष कार्यकारी अध्यक्ष पद खाऊ । सदस्यबाट उठाइएको सबै रकम तिर्न अध्यक्षका प्रत्यासीहरुलाई के आपत्ति ? कि उनीहरुले आम एनआरएनसंग हामीले घोटला गरकै हो भनेर माफी माग्नुपर्‍यो कि यो पैसा एनआरएनमा लगाउनुपर्‍यो । होइन भने यसरी पद बांड्ने नाममा करोडौं घोटला गर्ने अधिकार कसैलाई छैन । -हिमाल क्षेत्री