चावहिल स्पोर्ट्स क्लबको आयोजनामा प्रथम मोसेन खान स्मृति सिक्स ए साइड डे, नाइट भेट्रान कप फुटबल प्रतियोगिता यही साउन २३ गते बिहीबारदेखि हुने भएको छ ।

नकआउट प्रतियोगितामा काठमाडौंका १६ टिमको सहभागिता निश्चित भइसकेको आयोजक क्लबका अध्यक्ष अजब श्रेष्ठले पत्रकार सम्मेलनमा जानकारी गराए । विजेताले १ लाख र उपविजेताले ५० हजार नगद पुरस्कार प्राप्त गर्ने छन् ।

चावहिलमा रहेका खान परिवारहरुको प्रायोजनमा हुन लागेको प्रतियोगिताका खेलहरु चावहिलस्थित गणेशथानको मैदानमा हुनेछ । मोसेन खान फुटबल खेलाडी थिए । फाइनल साउन ३२ गते हुनेछ ।