बंगलादेशमा सम्पन्न एभिसी सेन्टत्ल जोन भलिबल च्याम्पियनसिपमा स्वर्ण पदक विजेता नेपाली महिला भलिबल टोलीलाई सरकारले नगदसहित सम्मानित गरेको छ । सरकारले आज (मंसिर १०) गते महिला भलिबल टोलीलाई सम्मानित गरेको हो ।

महिला भलिबल टीमले स्वर्ण पदक जितेपछि सहभागी खेलाडी, प्रशिक्षक र व्यवस्थापकलाई नगद तीन लाखसहित सम्मान गर्ने सरकारी घोषणा थियो । सोही पूर्वघोषणाअनुसार सरकारले आज विशेष कार्यक्रममा खेलाडीहरुलाई नगदसहित सम्मानित गरेको हो ।

उपाधि विजेता खेलाडीलाई अर्थमन्त्री युवराज खतिवडा, युवा तथा खेलकुदमन्त्री जगतबहादुर सुनार (विश्वकर्मा) ले नगद पुरस्कार र प्रमाणपत्र प्रदान गरेका थिए । सो अवसरमा अर्थमन्त्री खतिवडाले सागमा स्वर्ण पदक जित्ने खेलाडीको पुरस्कार राशि वृद्धि गर्ने बताए ।