चीनको वुहानबाट शुरु भएको कोरोना भाइरसबाट विश्वका ८४ देशका मानिस संक्रमित बनेका छन् । अहिलेसम्म यसबाट विश्वका ३२८५ मानिसको मृत्यु भएको छ । कोरोनाको संक्रमणबाट हालसम्म ९५ हजार ४ सय ८१ जना मानिस संक्रमित भएका छन् ।

चीनमा मात्रै कोरोना भाइरसको संक्रमणबाट सबैभन्दा बडी ३०१२ जनाको मृत्यु भइसकेको छ भने ८० हजार चार सय ३० यसबाट संक्रमित भएका छन् ।

चीनपछि ठूलो संख्यामा इटालीमा यसबाट मानिसले ज्यान गुमाएका छन् । इटालीमा हालसम्म यसबाट १०७ जनाको मृत्यु भइसकेको छ । त्यहाँ कोरोनाबाट संक्रमितको संख्या ३ हजार ८९ पुगेपछि त्यहाँका सबै विद्यालय अनिश्चिकालका लागि बन्द गरिएको अन्तर्राष्ट्रिय समाचारहरूले जनाएका छन् ।

कोरोना भाइरसको संक्रमणबाट धेरै ज्यान गुमाउने तेस्रो मुलुकमा इरान रहेको छ । त्यहाँ कोरोनाको संक्रमणबाट मृत्यु हुनेको संख्या ९२ पुगेको छ भने २९ सय २२ जना संक्रमित बनेका छन् । यसैगरी दक्षिण कोरियामा यसबाट ३५ जनाको मृत्यु भएको छ । त्यहाँका ५ हजार ६ सय २१ व्यक्ति यसबाट संक्रमित बनेका छन् ।

यसैगरी अमेरिकामा ११, जापानमा ६, फ्रान्समा ४, हङकङ, स्पेन, इराक र अस्ट्रेलियामा २–२ तथा थाइल्यान्ड, सनमारिनो, फिलिपिन्स र ताइवान १–१ जनाको कोरोना भाइरसको संक्रमणकै कारण मृत्यु भइसकेको छ ।

अहिलेसम्म कोरोना भाइसरको संक्रमणबाट १५ देशका ३२८५ व्यक्तिले ज्यान गुमाएका छन्, यसमा चीनबाहिरका १४ देशका २ सय ७३ जनाले ज्यान गुमाएका छन् ।