पोखराको मालेपाटनस्थितको क्वारेन्टिनमा बस्नेहरुको लागि विभिन्न आवश्यक सामग्रीको अभाव भएपछि मातृभूमिका लागि नेपाली, पोखरा १२ की संयोजक विद्या अधिकारीले ८० हजार बराबरको सामाग्री उपलब्ध गराउनुभएको छ ।
उक्त क्वारेन्टिनको लागि उहाँले एक थान ३२ इन्चको फ्लाटन टिभी, एक थान इमर्जेन्सी लाइट, ४ सय पिस ग्लोब, ४ सय पिस मास्क, १० थान सेनीटाइजर, बेड १ सेट, ५ केस पानीका साथै हेण्डवास, मार्टीन स्प्रे लगायतका सामाग्री उपलब्ध गराउनुभएको हो ।
पोखराका संचारकर्मी अपिल त्रिपाठीको अनुरोधको आधारमा पोखराका मुटुरोग विषेषज्ञ डा. आशिष त्रिपाठीसँगको परामर्श एवम् समन्वयको साथै स्थानीय समाजसेवी मणि रेग्मीसँगको सहयोगमा उक्त सामाग्री उपलब्ध गराउनुभएको बताइएको छ ।
संयोजक अधिकारीले यसअघि पोखराका सञ्चारकर्मीहरुका लागि ५० थान सेनीटाइजर, १०० पिस ग्लोव, १०० पिस मास्क नेपाल प्रेस युनियन कास्कीका नवीन सिग्देलमार्फत उपलब्ध गराउनुभएको थियो ।
संयोजक अधिकारीले आगामी दिनमा पनि अप्ठ्यारोमा परेको बेला यस्तै खालका सहयोग गर्ने प्रतिबद्धता जनाउनुभएको छ ।
प्रतिक्रिया