विशेष प्रतिनिधि, कपिलवस्तु

कोरोना भाइरसका कारण ८० दिन बढीको लामो लकडाउनले थला परेको होटल तथा रेस्टुरेन्ट ब्यवसायलाई सामाजिक दूरी कायम गरी सुरक्षित तरिकाले सञ्चालनको अनुमति दिनुपर्ने माग गरिएको छ ।

होटल तथा रेस्टुेरेन्ट ब्यवासायी संघ कपिलवस्तुले प्रशासन कार्यालयमा ज्ञापन पत्र बुझाउँदै खाना खुवाउन सकिने तथा अन्य सेवा दिन नसकिने बनाइएको नियमले होटल तथा रेस्टुरेन्ट ब्यवसायी मारमा परेको जनाएका छन् । अहिलको नियमले राजमार्गदेखि भित्र पर्ने होटल र रेस्टुरेन्ट ब्यवसायी झन् समस्यमा परकोले यो नियममा पुनर्विचार गरिनुपर्ने माग गरिएको हो ।

संघका जिल्ला अध्यक्ष गोपाल बहादुर खत्री तथा सचिव शिवराज सापकोटाले प्रजिअ दीर्घनारायण पौडेललाई ज्ञापनपत्र बुझाउँदै सो माग गरेका हुन् । जिल्लाका अधिकांश होटल तथा रेस्टुरेन्टहरु भाडामा चलेकोले लकडाउन अवधिको घरभाडा मिनाहा वा अन्य कुनै ब्यवस्था गर्न सरकाले ठोस कदम चाल्नुपर्ने व्यवसायीको माग छ ।

ब्यवसायीहरुले कर्जा लिएर ब्यवसाय संचालन गरेको र लकडाउनका कारण ब्यवसाय ठप्प भएकाले सो अवधिको मासिक किस्ता ब्याज र कर्जाका विषमया पनि उचित ब्यवस्था मिलाउनु पर्ने संघका जिल्ला अध्यक्ष खत्रीले बताए । लकडाउन अवधिको कर, विद्युतको बिल समेत मिनाहा गर्नुपर्ने, लकडाउन खुलेको ६ महिनासम्म किस्ताबन्दीमा कर तिर्ने ब्यवस्था मिलाउनु पर्ने माग उनले गरे ।

नेपालभित्र रहेको सबै होटल तथा रेस्टुरेन्ट ब्यवसायीहरु अहिले मारमा परकोले आफुहरुको संरक्षण सरकारले गर्नुपर्ने संघका अध्यक्ष खत्रीले बताए । संघका सचिव सापकोटाले असार १ गते देखि देशभर लकडाउन खुकुलो भए पनि होटल र रेस्टुरेन्ट ब्यवसायलाई भने अंकुश लगाउँदा आफुहरु मारमा परेको गुनासो गरे ।

प्रजिअ पाण्डेले होटल तथा ब्यवसायीहरुको सममस्याबारे संघीय सरकारलाई अवगत गराउने आश्वासन दिएका बताइएको छ ।