नेपालमा पछिल्लो २४ घण्टामा ५२२ जना कोरोनासंक्रमित थपिएका छन् । काठमाडौं उपत्यकामा मंगलबार थप २३२ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । छ। काठमाडौंमा १७१, भक्तपुरमा ८ र ललितपुरमा ५३ जना कोरोना संक्रमित थपिएका हुन् ।

यससँगै देशभर कोरोना संक्रमितको कुल संख्या २,६२,७८४ पुगेको छ ।

पछिल्लो २४ घण्टामा नेपालमा थप ८ जना संक्रमितको मृत्यु भएको छ। यससँगै देशभर कोरोनाबाट ज्यान गुमाउनेको संख्या १,८९३ पुगेको छ।

मंगलबार ५७८ जना कोरोना संक्रमित डिस्चार्ज भएका र हालसम्म डिस्चार्ज हुनेको संख्या २,५५,६६६ पुगेको पनि मन्त्रालयले जनाएको छ ।