भारतको नयाँ दिल्लीमा आगामी मे २१ देखि ३१ तारिकसम्म सञ्चालन हुने ‘एएसबीसी इलिट मेन एण्ड ओमेन बक्सिङ च्याम्पियनसिप’मा नेपालले सहभागिता जनाउने भएको छ ।
एशियन बक्सिङ कन्फेडेरेशन एएसबीसी अन्तर्गतको यो प्रतियोगिता एशियाकै सबैभन्दा ठूलो बक्सिङ प्रतियोगिताको रूपमा स्थापित भएको छ । आइबाको तौल समुहअन्तर्गत रहेका महिला तथा पुरुषको छनोटका लागि वक्सिङका प्रमुख प्रशिक्षक प्रकाश थापामगरको संयोजकत्वमा ५ सदस्य छनोट समिति गठन गरिएको छ ।
१९ वर्षदेखि ४० वर्ष सम्मका खेलाडीहरू छनोट प्रक्रियामा सहभागी हुन पाउने नेपाल बक्सिङ संघले जनाएको छ । यही चैत्र २९–३१ गते सम्म सातदोबाटोस्थित बक्सिङ हलमा हुने खुला छनोट खेलमा सहभागिता जनाउनका लागि मातहतका जिल्ला बक्सिङ संघ, क्लब र विभागीय टिमलाई तयारी थाल्न संघका प्रवक्ता श्यामकाजी अवालेले जानकारी गराएका छन् ।
प्रतिक्रिया